Ahetukakiriyāabyākataṃ
Kiriyāmanodhātu
566. Katame dhammā abyākatā ?
Yasmiṃ samaye manodhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā … pe … phoṭṭhabbārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā hoti , manindriyaṃ hoti , upekkhindriyaṃ hoti , jīvitindriyaṃ hoti ;
ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , tīṇindriyāni honti , eko phasso hoti … pe … ekā manodhātu hoti , ekaṃ dhammāyatanaṃ hoti , ekā dhammadhātu hoti ;
ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
567. Katamo tasmiṃ samaye saṅkhārakkhandho hoti ?
Phasso cetanā vitakko
T0.178 vicāro cittassekaggatāV0.150 jīvitindriyaṃ ;ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime dhammā abyākatā .
Kiriyā manodhātu .
Kiriyāmanoviññāṇadhātusomanassasahagatā
568. Katame
M0.140 dhammā abyākatā ?Yasmiṃ samaye manoviññāṇadhātu uppannā hoti kiriyā neva
P0.121 kusalā nākusalā na ca kammavipākā somanassasahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , pīti hoti , sukhaṃ hoti , cittassekaggatā hoti , vīriyindriyaṃ hoti , samādhindriyaṃ hoti , manindriyaṃ hoti , somanassindriyaṃ hoti , jīvitindriyaṃ hoti ;ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā .
569. Katamo tasmiṃ samaye phasso hoti ?
Yo tasmiṃ samaye phasso phusanā saṃphusanā saṃphusitattaṃ – ayaṃ tasmiṃ samaye phasso hoti … pe ….
570. Katamā tasmiṃ samaye cittassekaggatā hoti ?
Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ – ayaṃ tasmiṃ samaye cittassekaggatā hoti .
571. Katamaṃ tasmiṃ samaye vīriyindriyaṃ hoti ?
Yo tasmiṃ samaye cetasiko vīriyārambho nikkamo parakkamo uyyāmo
T0.179 vāyāmo ussāho ussoḷhī thāmo dhiti asithilaparakkamatāV0.151 anikkhittachandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ – idaṃ tasmiṃ samaye vīriyindriyaṃ hoti . 572. Katamaṃ tasmiṃ samaye samādhindriyaṃ hoti ?
Yā tasmiṃ samaye cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ – idaṃ tasmiṃ samaye samādhindriyaṃ hoti … pe … ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā .
Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , pañcindriyāni honti , eko
M0.141 phasso hoti … pe … ekā manoviññāṇadhātu hoti , ekaṃ dhammāyatanaṃ hoti , ekā dhammadhātu hoti ;ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
573. Katamo tasmiṃ samaye saṅkhārakkhandho hoti ?
Phasso cetanā vitakko vicāro pīti cittassekaggatā vīriyindriyaṃ samādhindriyaṃ jīvitindriyaṃ ;
ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā
P0.122 vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime dhammā abyākatā .Kiriyā manoviññāṇadhātu somanassasahagatā .
Kiriyāmanoviññāṇadhātuupekkhāsahagatā
574. Katame
T0.180 dhammā abyākatā ?Yasmiṃ samaye manoviññāṇadhātu uppannā hoti kiriyā neva kusalā nākusalā na ca kammavipākā upekkhāsahagatā rūpārammaṇā vā … pe … dhammārammaṇā vā yaṃ yaṃ vā panārabbha , tasmiṃ samaye phasso hoti , vedanā hoti , saññā hoti , cetanā hoti , cittaṃ hoti , vitakko hoti , vicāro hoti , upekkhā hoti , cittassekaggatā
V0.152 hoti , vīriyindriyaṃ hoti , samādhindriyaṃ hoti manindriyaṃ hoti , upekkhindriyaṃ hoti , jīvitindriyaṃ hoti ;ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
Tasmiṃ kho pana samaye cattāro khandhā honti , dvāyatanāni honti , dve dhātuyo honti , tayo āhārā honti , pañcindriyāni honti , eko phasso hoti … pe … ekā manoviññāṇadhātu hoti , ekaṃ dhammāyatanaṃ hoti , ekā dhammadhātu hoti ;
ye vā pana tasmiṃ samaye aññepi atthi paṭiccasamuppannā arūpino dhammā – ime dhammā abyākatā … pe ….
575. Katamo
M0.142 tasmiṃ samaye saṅkhārakkhandho hoti ?Phasso cetanā vitakko vicāro cittassekaggatā vīriyindriyaṃ samādhindriyaṃ jīvitindriyaṃ ;
ye vā pana tasmiṃ samaye aññepi atthi paṭiccasamuppannā arūpino dhammā ṭhapetvā vedanākkhandhaṃ ṭhapetvā saññākkhandhaṃ ṭhapetvā viññāṇakkhandhaṃ – ayaṃ tasmiṃ samaye saṅkhārakkhandho hoti … pe … ime
T0.181 dhammā abyākatā .Kiriyā manoviññāṇadhātu upekkhāsahagatā .
Ahetukā kiriyā abyākatā .
Sahetukakāmāvacarakiriyā
576. Katame dhammā abyākatā ?
Yasmiṃ samaye manoviññāṇadhātu uppannā hoti kiriyā neva kusalā nākusalā na ca kammavipākā somanassasahagatā ñāṇasampayuttā … pe … somanassasahagatā ñāṇasampayuttā sasaṅkhārena … pe … somanassasahagatā ñāṇavippayuttā … pe … somanassasahagatā ñāṇavippayuttā sasaṅkhārena … pe … upekkhāsahagatā ñāṇasampayuttā … pe … upekkhāsahagatā ñāṇasampayuttā sasaṅkhārena … pe … upekkhāsahagatā ñāṇavippayuttā … pe … upekkhāsahagatā ñāṇavippayuttā sasaṅkhārena rūpārammaṇā vā … pe … dhammārammaṇā vā yaṃ yaṃ vā panārabbha
P0.123 , tasmiṃ samaye phasso hoti … pe … avikkhepo hotiV0.153 … pe … ime dhammā abyākatā … pe … alobho abyākatamūlaṃ … pe … adoso abyākatamūlaṃ … pe … ime dhammā abyākatā .Sahetukā kāmāvacarakiriyā .
Rūpāvacarakiriyā
577. Katame dhammā abyākatā ?
Yasmiṃ samaye rūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ vivicceva kāmehi … pe … paṭhamaṃ jhānaṃ upasampajja viharati pathavīkasiṇaṃ , tasmiṃ
M0.143 samaye phasso hoti … pe … avikkhepo hoti … pe … ime dhammā abyākatā . 578. Katame
T0.182 dhammā abyākatā ?Yasmiṃ samaye rūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ vitakkavicārānaṃ vūpasamā … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānaṃ … pe … paṭhamaṃ jhānaṃ … pe … pañcamaṃ jhānaṃ upasampajja viharati pathavīkasiṇaṃ , tasmiṃ samaye phasso hoti … pe … avikkhepo hoti … pe … ime dhammā abyākatā .
Rūpāvacarakiriyā .
Arūpāvacarakiriyā
579. Katame dhammā abyākatā ?
Yasmiṃ samaye arūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ākāsānañcāyatanasaññāsahagataṃ
V0.154 sukhassa ca pahānā … pe … catutthaṃ jhānaṃ upasampajja viharati tasmiṃ samaye phasso hoti … pe … avikkhepo hoti … pe … ime dhammā abyākatā . 580. Katame dhammā abyākatā ?
Yasmiṃ samaye arūpāvacaraṃ jhānaṃ bhāveti kiriyaṃ neva
P0.124 kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso ākāsānañcāyatanaṃ samatikkamma viññāṇañcāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye phasso hoti … pe … avikkhepoT0.183 hoti … pe … ime dhammā abyākatā . 581. Katame dhammā abyākatā ?
Yasmiṃ samaye arūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso viññāṇañcāyatanaṃ samatikkamma ākiñcaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati
M0.144 , tasmiṃ samaye phasso hoti … pe … avikkhepo hoti … pe … ime dhammā abyākatā . 582. Katame dhammā abyākatā ?
Yasmiṃ samaye arūpāvacaraṃ jhānaṃ bhāveti kiriyaṃ neva kusalaṃ nākusalaṃ na ca kammavipākaṃ diṭṭhadhammasukhavihāraṃ sabbaso ākiñcaññāyatanaṃ samatikkamma nevasaññānāsaññāyatanasaññāsahagataṃ sukhassa ca pahānā … pe … catutthaṃ jhānaṃ upasampajja viharati , tasmiṃ samaye phasso hoti … pe … avikkhepo hoti … pe … ime dhammā abyākatā … pe … alobho abyākatamūlaṃ … pe … adoso abyākatamūlaṃ … pe … amoho abyākatamūlaṃ … pe … ime dhammā abyākatā .
Arūpāvacarakiriyā .
Kiriyā abyākatā .
Cittuppādakaṇḍaṃ niṭṭhitaṃ .