Navakavāravaṇṇanā
329. Navahi bhikkhūhi bhijjati .
Manussamaṃsavajjehi nava maṃsehi vinicchayo .
Sundaraṃ na sundaranti saṅghāṭiādīni nava cīvarāni .
Tāneva adhiṭṭhitakālato paṭṭhāya na vikappetabbāni , adhiṭṭhitakālato paṭṭhāya apaccuddharitvā na vikappetabbānīti adhippāyo .
Nava vidatthiyo sugatacīvarassa .
‘‘ Vaggaṃ bhikkhunisaṅghaṃ vaggasaññī ovadatī ’’ tiādinā nayena adhammakamme dve navakāni pācittiyavasena vuttāni .