6. Avuṭṭhikasuttaṃ
75. Vuttañhetaṃ bhagavatā , vuttamarahatāti me sutaṃ –
‘‘ Tayome , bhikkhave , puggalā santo saṃvijjamānā lokasmiṃ .
Katame tayo ?
Avuṭṭhikasamo
T0.281 , padesavassī , sabbatthābhivassī .‘‘ Kathañca
M0.240 , bhikkhave , puggalo avuṭṭhikasamo hoti ?Idha , bhikkhave , ekacco puggalo sabbesaññeva na dātā hoti , samaṇabrāhmaṇakapaṇaddhikavanibbakayācakānaṃ [… vaṇibbakayācakānaṃ ( sī .)] annaṃ pānaṃ vatthaṃ yānaṃ mālāgandhavilepanaṃ
P0.65 seyyāvasathapadīpeyyaṃ .Evaṃ kho , bhikkhave , puggalo avuṭṭhikasamo hoti .
‘‘ Kathañca , bhikkhave , puggalo padesavassī hoti ?
Idha , bhikkhave , ekacco puggalo ekaccānaṃ dātā ( hoti )[() natthi syāmapotthake ], ekaccānaṃ na dātā hoti samaṇabrāhmaṇakapaṇaddhikavanibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ .
Evaṃ kho , bhikkhave , puggalo padesavassī hoti .
‘‘ Kathañca , bhikkhave , puggalo sabbatthābhivassī hoti ?
Idha , bhikkhave , ekacco puggalo sabbesaṃva deti , samaṇabrāhmaṇakapaṇaddhikavanibbakayācakānaṃ annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ .
Evaṃ kho , bhikkhave , puggalo sabbatthābhivassī hoti .
Ime
V0.49 kho , bhikkhave , tayo puggalā santo saṃvijjamānā lokasmin ’’ ti .Etamatthaṃ bhagavā avoca .
Tatthetaṃ iti vuccati –
‘‘ Na samaṇe na brāhmaṇe , na kapaṇaddhikavanibbake ;
Laddhāna saṃvibhājeti , annaṃ
P0.66 pānañca bhojanaṃ ;Taṃ ve avuṭṭhikasamoti , āhu naṃ purisādhamaṃ .
‘‘ Ekaccānaṃ
T0.282 na dadāti , ekaccānaṃ pavecchati ;Taṃ ve padesavassīti , āhu medhāvino janā .
‘‘ Subhikkhavāco puriso , sabbabhūtānukampako ;
Āmodamāno pakireti , detha dethāti bhāsati .
‘‘ Yathāpi megho thanayitvā , gajjayitvā pavassati ;
Thalaṃ ninnañca pūreti , abhisandantova [ abhisandentova (?)] vārinā .
‘‘ Evameva
M0.241 idhekacco , puggalo hoti tādiso ;Dhammena saṃharitvāna , uṭṭhānādhigataṃ dhanaṃ ;
Tappeti
P0.67 annapānena , sammā patte vanibbake ’’ ti .Ayampi attho vutto bhagavatā , iti me sutanti .
Chaṭṭhaṃ .