5. Duccaritasuttaṃ
64. Vuttañhetaṃ bhagavatā , vuttamarahatāti me sutaṃ –
‘‘ Tīṇimāni , bhikkhave , duccaritāni .
Katamāni tīṇi ?
Kāyaduccaritaṃ , vacīduccaritaṃ , manoduccaritaṃ – imāni kho , bhikkhave , tīṇi duccaritānī ’’ ti .
Etamatthaṃ bhagavā avoca .
Tatthetaṃ iti vuccati –
‘‘ Kāyaduccaritaṃ
V0.41 katvā , vacīduccaritāni ca ;Manoduccaritaṃ katvā , yañcaññaṃ dosasaṃhitaṃ .
‘‘ Akatvā
M0.233P0.55 kusalaṃ kammaṃ , katvānākusalaṃ bahuṃ ;Kāyassa bhedā duppañño , nirayaṃ sopapajjatī ’’ ti .
Ayampi attho vutto bhagavatā , iti me sutanti .
Pañcamaṃ .