1. Paṭhamavaggo

1. Dukkhavihārasuttaṃ

28.( DveM0.211V0.18 dhamme anukkaṭi )[() syāmapotthake natthi ] vuttañhetaṃT0.247 bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃP0.23 sapariḷāhaṃ ;

kāyassa bhedā paraṃ maraṇā duggati pāṭikaṅkhā .

Katamehi dvīhi ?

Indriyesu aguttadvāratāya [ aguttadvāro ( aṭṭha .)] ca , bhojane amattaññutāya [ amattaññū ( aṭṭha .)] ca .

Imehi kho , bhikkhave , dvīhi dhammehi samannāgato bhikkhu diṭṭheva dhamme dukkhaṃ viharati savidhātaṃ saupāyāsaṃ sapariḷāhaṃ ;

kāyassa bhedā paraṃ maraṇā duggati pāṭikaṅkhā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Cakkhu sotañca ghānañca , jivhā kāyo tathā mano ;

Etāni yassa dvārāni , aguttānidha [ aguttāni ca ( syā .)] bhikkhuno .

‘‘ Bhojanamhi amattaññū , indriyesu asaṃvuto ;

Kāyadukkhaṃ cetodukkhaṃ , dukkhaṃ so adhigacchati .

‘‘ Ḍayhamānena kāyena , ḍayhamānena cetasā ;

Divā vā yadi vā rattiṃ , dukkhaṃ viharati tādiso ’’ ti .

Ayampi attho vutto bhagavatā , iti me sutanti .

Paṭhamaṃ .

2. Sukhavihārasuttaṃ

29. VuttañhetaṃV0.19 bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ ;

kāyassa bhedā paraṃ maraṇā sugatiP0.24 pāṭikaṅkhāM0.212T0.248 .

Katamehi dvīhi ?

Indriyesu guttadvāratāya ca , bhojane mattaññutāya ca .

Imehi kho , bhikkhave , dvīhi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ ;

kāyassa bhedā paraṃ maraṇā sugati pāṭikaṅkhā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Cakkhu sotañca ghānañca , jivhā kāyo tathā [ atho ( sī . syā . ka .)] mano ;

Etāni yassa dvārāni , suguttānidha bhikkhuno .

‘‘ Bhojanamhi ca mattaññū , indriyesu ca saṃvuto ;

Kāyasukhaṃ cetosukhaṃ , sukhaṃ so adhigacchati .

‘‘ Aḍayhamānena kāyena , aḍayhamānena cetasā ;

Divā vā yadi vā rattiṃ , sukhaṃ viharati tādiso ’’ ti .

Ayampi attho vutto bhagavatā , iti me sutanti .

Dutiyaṃ .

3. Tapanīyasuttaṃ

30. Vuttañhetaṃ bhagavatā , vuttamarahatāti me sutaṃ –

‘‘ Dveme , bhikkhave , dhammā tapanīyā .

KatameP0.25 dve ?

Idha , bhikkhave , ekacco akatakalyāṇo hoti , akatakusalo , akatabhīruttāṇo , katapāpo , kataluddo , katakibbiso .

So ‘ akataṃ me kalyāṇan ’ tipi tappati ,‘ kataṃ me pāpan ’ tipi tappati .

Ime kho , bhikkhave , dve dhammā tapanīyā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Kāyaduccaritaṃ katvā , vacīduccaritāni ca ;

ManoduccaritaṃT0.249 katvā , yañcaññaṃ dosasañhitaṃ .

‘‘ AkatvāV0.20 kusalaṃ kammaṃ , katvānākusalaṃ bahuṃ ;

Kāyassa bhedā duppañño , nirayaṃ sopapajjatī ’’ ti [ nirayaṃ so upapajjatīti ( sī . syā . kaṃ . pī .)].

Ayampi attho vutto bhagavatā , iti me sutanti .

Tatiyaṃ .

4. Atapanīyasuttaṃ

31. VuttañhetaṃM0.213 bhagavatā , vuttamarahatāti me sutaṃ –

‘‘ Dveme , bhikkhave , dhammā atapanīyā .

Katame dve ?

Idha , bhikkhave , ekacco katakalyāṇo hoti , katakusalo , katabhīruttāṇo , akatapāpo , akataluddo , akatakibbiso .

So ‘ kataṃ me kalyāṇan ’ tipi na tappati ,‘ akataṃ me pāpan ’ tipi na tappati .

Ime kho , bhikkhave , dveP0.26 dhammā atapanīyā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Kāyaduccaritaṃ hitvā , vacīduccaritāni ca ;

Manoduccaritaṃ hitvā , yañcaññaṃ dosasañhitaṃ .

‘‘ Akatvākusalaṃ kammaṃ , katvāna kusalaṃ bahuṃ ;

Kāyassa bhedā sappañño , saggaṃ so upapajjatī ’’ ti .

Ayampi attho vutto bhagavatā , iti me sutanti .

Catutthaṃ .

5. Paṭhamasīlasuttaṃ

32. Vuttañhetaṃ bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato puggalo yathābhataṃ nikkhitto evaṃ niraye .

Katamehi dvīhi ?

Pāpakena ca sīlena , pāpikāya ca diṭṭhiyā .

Imehi kho , bhikkhave , dvīhi dhammehi samannāgato puggalo yathābhataṃ nikkhitto evaṃ niraye ’’ ti .

Etamatthaṃ bhagavā avoca .

TatthetaṃT0.250 iti vuccati –

‘‘ PāpakenaV0.21 ca sīlena , pāpikāya ca diṭṭhiyā ;

Etehi dvīhi dhammehi , yo samannāgato naro ;

Kāyassa bhedā duppañño , nirayaṃ sopapajjatī ’’ ti .

Ayampi attho vutto bhagavatā , iti me sutanti .

Pañcamaṃ .

6. Dutiyasīlasuttaṃ

33. Vuttañhetaṃ bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato puggalo yathābhataṃ nikkhitto evaṃ sagge .

Katamehi dvīhiP0.27 ?

Bhaddakena ca sīlena , bhaddikāya ca diṭṭhiyā .

ImehiM0.214 kho , bhikkhave , dvīhi dhammehi samannāgato puggalo yathābhataṃ nikkhitto evaṃ sagge ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Bhaddakena ca sīlena , bhaddikāya ca diṭṭhiyā ;

Etehi dvīhi dhammehi , yo samannāgato naro ;

Kāyassa bhedā sappañño , saggaṃ so upapajjatī ’’ ti .

Ayampi attho vutto bhagavatā , iti me sutanti .

Chaṭṭhaṃ .

7. Ātāpīsuttaṃ

34. Vuttañhetaṃ bhagavatā , vuttamarahatāti me sutaṃ –

‘‘ Anātāpī , bhikkhave , bhikkhu anottāpī [ anottappī ( bahūsu ) aṭṭhakathā passitabbā ] abhabbo sambodhāya , abhabbo nibbānāya , abhabbo anuttarassa yogakkhemassa adhigamāya .

Ātāpī ca kho , bhikkhave , bhikkhu ottāpī [ ottappī ( bahūsu )] bhabbo sambodhāya , bhabbo nibbānāya , bhabbo anuttarassa yogakkhemassa adhigamāyā ’’ ti .

Etamatthaṃ bhagavā avocaT0.251 .

Tatthetaṃ iti vuccati –

‘‘ AnātāpīV0.22 anottāpī , kusīto hīnavīriyo ;

Yo thīnamiddhabahulo , ahirīko anādaro ;

Abhabbo tādiso bhikkhu , phuṭṭhuṃ sambodhimuttamaṃ .

‘‘ YoP0.28 ca satimā nipako jhāyī , ātāpī ottāpī ca appamatto ;

Saṃyojanaṃ jātijarāya chetvā , idheva sambodhimanuttaraṃ phuse ’’ ti .

Ayampi attho vutto bhagavatā , iti me sutanti .

Sattamaṃ .

8. Paṭhamanakuhanasuttaṃ

35. Vuttañhetaṃ bhagavatā , vuttamarahatāti me sutaṃ –

‘‘ Nayidaṃ , bhikkhave , brahmacariyaṃ vussati janakuhanatthaṃ , na janalapanatthaṃ , na lābhasakkārasilokānisaṃsatthaṃ , na ‘ iti maṃ jano jānātū ’ ti .

Atha kho idaṃ , bhikkhaveM0.215 , brahmacariyaṃ vussati saṃvaratthañceva pahānatthañcā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Saṃvaratthaṃ pahānatthaṃ , brahmacariyaṃ anītihaṃ ;

Adesayi so bhagavā , nibbānogadhagāminaṃ .

‘‘ Esa maggo mahattehi [ mahantehi ( sī . ka .), mahatthehi ( syā .)], anuyātoP0.29 mahesibhi [ mahesino ( sī . ka .)];

Ye ye taṃ paṭipajjanti , yathā buddhena desitaṃ ;

Dukkhassantaṃ karissanti , satthusāsanakārino ’’ ti .

AyampiT0.252 attho vutto bhagavatā , iti me sutanti .

Aṭṭhamaṃ .

9. Dutiyanakuhanasuttaṃ

36. Vuttañhetaṃ bhagavatā , vuttamarahatāti me sutaṃ –

‘‘ Nayidaṃ , bhikkhave , brahmacariyaṃ vussati janakuhanatthaṃ , na janalapanatthaṃ , na lābhasakkārasilokānisaṃsatthaṃ , na ‘ iti maṃ jano jānātū ’ ti .

Atha kho idaṃ , bhikkhave , brahmacariyaṃV0.23 vussati abhiññatthañceva pariññatthañcā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Abhiññatthaṃ pariññatthaṃ , brahmacariyaṃ anītihaṃ ;

Adesayi so bhagavā , nibbānogadhagāminaṃ .

‘‘ Esa maggo mahattehi , anuyāto mahesibhi ;

Ye ye taṃ paṭipajjanti , yathā buddhena desitaṃ ;

Dukkhassantaṃ karissanti , satthusāsanakārino ’’ ti .

Ayampi attho vutto bhagavatā , iti me sutanti .

Navamaṃ .

10. Somanassasuttaṃ

37. Vuttañhetaṃ bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato bhikkhuP0.30 diṭṭheva dhamme sukhasomanassabahulo viharati , yoni cassa [ yoniso ( sī . syā . pī .), yonissa ( ka .)] āraddhā hoti āsavānaṃ khayāya .

KatamehiM0.216 dvīhi ?

Saṃvejanīyesu ṭhānesu saṃvejanena , saṃviggassa ca yoniso padhānena .

Imehi kho , bhikkhave , dvīhi dhammehi samannāgato bhikkhu diṭṭheva dhamme sukhasomanassabahulo viharati , yoni cassa āraddhā hoti āsavānaṃ khayāyā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Saṃvejanīyaṭṭhānesu [ saṃvejanīyesu ṭhānesu ( syā . pī .)], saṃvijjetheva paṇḍito ;

ĀtāpīT0.253 nipako bhikkhu , paññāya samavekkhiya .

‘‘ Evaṃ vihārī ātāpī , santavutti anuddhato ;

Cetosamathamanuyutto , khayaṃ dukkhassa pāpuṇe ’’ ti .

Ayampi attho vutto bhagavatā , iti me sutanti .

Dasamaṃ .

Paṭhamo vaggo niṭṭhito .

TassuddānaṃV0.24P0.31 –

Dve ca bhikkhū tapanīyā , tapanīyā paratthehi ;

Ātāpī [ dve pādā ( ka .), dve ātāpī ( sī .)] nakuhanā dve [ na kuhanā ca ( sabbattha )], somanassena te dasāti .

Issues

Select Version

Itivuttakapāḷi

Itivuttakapāḷi