9. Paṭhamarāgasuttaṃ
68. Vuttañhetaṃ bhagavatā , vuttamarahatāti me sutaṃ –
‘‘ Yassa kassaci , bhikkhave , rāgo appahīno , doso appahīno , moho appahīno – ayaṃ vuccati , bhikkhave ,‘ baddho [ bando ( bahūsu )] mārassa paṭimukkassa mārapāso
T0.274 yathākāmakaraṇīyo [ yathā kāmakaraṇīyo ca ( sī . syā . pī . ka .)] pāpimato ’.Yassa kassaci , bhikkhave , rāgo pahīno , doso pahīno , moho pahīno – ayaṃ vuccati , bhikkhave ,‘ abaddho mārassa omukkassa mārapāso na yathā kāmakaraṇīyo [ na yathākāmakaraṇīyo ca ( syā .)] pāpimato ’’’ ti .
Etamatthaṃ bhagavā avoca .
Tatthetaṃ iti vuccati –
‘‘ Yassa
P0.57 rāgo ca doso ca , avijjā ca virājitā ;Taṃ bhāvitattaññataraṃ , brahmabhūtaṃ tathāgataṃ ;
Buddhaṃ verabhayātītaṃ , āhu sabbappahāyinan ’’ ti .
Ayampi
V0.43 attho vutto bhagavatā , iti me sutanti .Navamaṃ .