4. Santatarasuttaṃ
73. Vuttañhetaṃ
M0.238 bhagavatā , vuttamarahatātiP0.62 me sutaṃ –‘‘ Rūpehi , bhikkhave , arūpā [ āruppā ( sī .)] santatarā , arūpehi nirodho santataro ’’ ti .
Etamatthaṃ bhagavā avoca .
Tatthetaṃ iti vuccati –
‘‘ Ye ca rūpūpagā sattā , ye ca arūpaṭṭhāyino [ āruppaṭṭhāyino ( sī .)];
Nirodhaṃ appajānantā , āgantāro punabbhavaṃ .
‘‘ Ye ca rūpe pariññāya , arūpesu asaṇṭhitā ;
Nirodhe ye vimuccanti , te janā maccuhāyino .
‘‘ Kāyena amataṃ dhātuṃ , phusayitvā nirūpadhiṃ ;
Upadhippaṭinissaggaṃ , sacchikatvā anāsavo ;
Deseti sammāsambuddho , asokaṃ virajaṃ padan ’’ ti .
Ayampi attho vutto bhagavatā , iti me sutanti .
Catutthaṃ .