10. Somanassasuttaṃ

Author： _System_Pali_VRI_ @ Administrator

10. Somanassasuttaṃ

37. Vuttañhetaṃ bhagavatā , vuttamarahatāti me sutaṃ –

‘‘ Dvīhi , bhikkhave , dhammehi samannāgato bhikkhuP0.30 diṭṭheva dhamme sukhasomanassabahulo viharati , yoni cassa [ yoniso ( sī . syā . pī .), yonissa ( ka .)] āraddhā hoti āsavānaṃ khayāya .

KatamehiM0.216 dvīhi ?

Saṃvejanīyesu ṭhānesu saṃvejanena , saṃviggassa ca yoniso padhānena .

Imehi kho , bhikkhave , dvīhi dhammehi samannāgato bhikkhu diṭṭheva dhamme sukhasomanassabahulo viharati , yoni cassa āraddhā hoti āsavānaṃ khayāyā ’’ ti .

Etamatthaṃ bhagavā avoca .

Tatthetaṃ iti vuccati –

‘‘ Saṃvejanīyaṭṭhānesu [ saṃvejanīyesu ṭhānesu ( syā . pī .)], saṃvijjetheva paṇḍito ;

ĀtāpīT0.253 nipako bhikkhu , paññāya samavekkhiya .

‘‘ Evaṃ vihārī ātāpī , santavutti anuddhato ;

Cetosamathamanuyutto , khayaṃ dukkhassa pāpuṇe ’’ ti .

Ayampi attho vutto bhagavatā , iti me sutanti .

Dasamaṃ .

Paṭhamo vaggo niṭṭhito .

TassuddānaṃV0.24P0.31 –

Dve ca bhikkhū tapanīyā , tapanīyā paratthehi ;

Ātāpī [ dve pādā ( ka .), dve ātāpī ( sī .)] nakuhanā dve [ na kuhanā ca ( sabbattha )], somanassena te dasāti .

Issues

Select Version

Itivuttakapāḷi

Itivuttakapāḷi