1. Puññakiriyavatthusuttaṃ
60. Vuttañhetaṃ
T0.270 bhagavatā , vuttamarahatāti me sutaṃ –‘‘ Tīṇimāni , bhikkhave , puññakiriyavatthūni .
Katamāni tīṇi ?
Dānamayaṃ puññakiriyavatthu , sīlamayaṃ puññakiriyavatthu , bhāvanāmayaṃ puññakiriyavatthu – imāni
M0.231 kho , bhikkhave , tīṇi puññakiriyavatthūnī ’’ ti .Etamatthaṃ bhagavā avoca .
Tatthetaṃ iti vuccati –
‘‘ Puññameva
P0.52 so sikkheyya , āyataggaṃ sukhudrayaṃ ;Dānañca samacariyañca , mettacittañca bhāvaye .
‘‘ Ete dhamme bhāvayitvā , tayo sukhasamuddaye ;
Abyāpajjhaṃ sukhaṃ lokaṃ , paṇḍito upapajjatī ’’ ti .
Ayampi attho vutto bhagavatā , iti me sutanti .
Paṭhamaṃ .