3. Nissaraṇiyasuttaṃ
72. Vuttañhetaṃ
P0.61 bhagavatā , vuttamarahatāti me sutaṃ –‘‘ Tisso imā , bhikkhave , nissaraṇiyā [ nissāraṇīyā ( a . ni .5.200)] dhātuyo .
Katamā tisso ?
Kāmānametaṃ nissaraṇaṃ
V0.46 yadidaṃ nekkhammaṃ , rūpānametaṃ nissaraṇaṃ yadidaṃ āruppaṃ , yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇaṃ – imā kho , bhikkhave , tisso nissaraṇiyā dhātuyo ’’ ti .Etamatthaṃ
T0.278 bhagavā avoca .Tatthetaṃ iti vuccati –
‘‘ Kāmanissaraṇaṃ ñatvā , rūpānañca atikkamaṃ ;
Sabbasaṅkhārasamathaṃ , phusaṃ ātāpi sabbadā .
‘‘ Sa ve sammaddaso bhikkhu , yato tattha vimuccati ;
Abhiññāvosito santo , sa ve yogātigo munī ’’ ti .
Ayampi attho vutto bhagavatā , iti me sutanti .
Tatiyaṃ .