5. Sīlasampannasuttaṃ

Author： _System_Pali_VRI_ @ Administrator

5. Sīlasampannasuttaṃ

104. Vuttañhetaṃ bhagavatā , vuttamarahatāti me sutaṃ –

‘‘ Ye te , bhikkhave , bhikkhū sīlasampannā samādhisampannāP0.107 paññāsampannā vimuttisampannā vimuttiñāṇadassanasampannā ovādakāT0.312 viññāpakā sandassakā samādapakā samuttejakā sampahaṃsakā alaṃsamakkhātāro saddhammassa dassanampahaṃ , bhikkhave , tesaṃ bhikkhūnaṃ bahūpakāraṃ vadāmi ;

savanampahaṃ , bhikkhave , tesaṃ bhikkhūnaṃ bahūpakāraṃ vadāmi ;

upasaṅkamanampahaṃ , bhikkhave , tesaṃ bhikkhūnaṃ bahūpakāraṃ vadāmi ;

payirupāsanampahaṃ , bhikkhave , tesaṃ bhikkhūnaṃ bahūpakāraṃ vadāmi ;

anussaraṇampahaṃ , bhikkhave , tesaṃ bhikkhūnaṃ bahūpakāraṃ vadāmi ;

anupabbajjampahaṃ [ anussatimpahaṃ ( syā .)], bhikkhave , tesaṃ bhikkhūnaṃ bahūpakāraṃ vadāmi .

Taṃ kissa hetu ?

Tathārūpe , bhikkhave , bhikkhū sevato bhajato payirupāsato aparipūropi sīlakkhandho bhāvanāpāripūriṃ gacchati , aparipūropi samādhikkhandho bhāvanāpāripūriṃ gacchati , aparipūropiP0.108 paññākkhandho bhāvanāpāripūriṃ gacchati , aparipūropi vimuttikkhandho bhāvanāpāripūriṃ gacchati , aparipūropi vimuttiñāṇadassanakkhandho bhāvanāpāripūriṃ gacchati .

Evarūpā ca te , bhikkhave , bhikkhū satthārotipiV0.77 vuccanti , satthavāhātipi vuccanti , raṇañjahātipi vuccanti , tamonudātipi vuccanti , ālokakarātipi vuccanti , obhāsakarātipi vuccanti , pajjotakarātipi vuccanti , ukkādhārātipi vuccanti , pabhaṅkarātipi vuccanti , ariyātipi vuccanti , cakkhumantotipi vuccantī ’’ ti .

Etamatthaṃ bhagavā avoca .

Tatthetaṃ iti vuccati –

‘‘ PāmojjakaraṇaṃM0.268 ṭhānaṃ [… karaṇaṭhānaṃ ( sī . syā .)], etaṃ hoti vijānataṃ ;

Yadidaṃ bhāvitattānaṃ , ariyānaṃ dhammajīvinaṃ .

‘‘ Te jotayanti saddhammaṃ , bhāsayanti pabhaṅkarā ;

ĀlokakaraṇāT0.313 dhīrā , cakkhumanto raṇañjahā .

‘‘ Yesaṃ ve sāsanaṃ sutvā , sammadaññāya paṇḍitā ;

JātikkhayamabhiññāyaP0.109 , nāgacchanti punabbhavan ’’ ti .

Ayampi attho vutto bhagavatā , iti me sutanti .

Pañcamaṃ .

Issues

Select Version

Itivuttakapāḷi

Itivuttakapāḷi