2. Dutiyasaṅghādisesasikkhāpadaṃ
2. Dutiyasaṅghādisesasikkhāpadavaṇṇanā
2. Dutiyasaṅghādisesasikkhāpadavaṇṇanā
682. Dutiye varitabbaṃ icchitabbanti varaṃ , tameva bhaṇḍanti varabhaṇḍan ti dassento āha ‘‘ mahagghabhaṇḍan ’’ ti .
‘‘ Muttā ’’ tiādinā tassa sarūpaṃ dasseti .
683. Āpubbo lokasaddo abhimukhaṃ lokanattho hoti , upubbo uddhaṃ lokanattho , opubbo adho lokanattho , vipubbo ito cito ca vītiharaṇalokanattho , apapubbo āpucchanattho .
Idha pana apapubbattā āpucchanatthoti āha ‘‘ anāpucchitvā ’’ ti .
683. Dutiye
M3.117V3.108 mallagaṇabhaṭiputtagaṇādikan tiādīsu mallagaṇo nāma nārāyanabhattiko tattha tattha pānīyaṭṭhapanapokkharaṇīkhaṇanādipuññakammakārako gaṇo , bhaṭiputtagaṇo nāma kumārabhattikagaṇo .
683. Bhaṭiputtakānaṃ kumārabhaṭikānaṃ gaṇā bhaṭiputtagaṇā .
683. Pāḷiyaṃ dutiye mallagaṇabhaṭiputtagaṇādikan tiādīsu mallarājūnaṃ gaṇo mallagaṇo .
Bhaṭiputtā nāma keci gaṇarājāno , tesaṃ gaṇo .
Keci pana ‘‘ nārāyanabhattiko puññakāragaṇo mallagaṇo .
Tathā kumārabhattiko ca gaṇo bhaṭiputtagaṇo ’’ tipi ( sārattha . ṭī . saṃghādisesakaṇḍa 3.683) vadanti .Mallagaṇa bhaṭiputta gaṇādikantiādīsu mallagaṇo nāma nārāyanabhattiko gaṇo .
Bhaṭiputtagaṇo nāma kumārabhattiko gaṇo .
Ādisaddena aññampi gāmanigame anusāsituṃ samatthaṃ gaṇaṃ saṅgaṇhāti .
Atha vā mallagaṇoti mallarājūnaṃ gaṇo .
Te hi gaṇaṃ katvā kusinārāyaṃ rajjaṃ anusāsanti , te sandhāya vuttaṃ ‘‘ mallagaṇo ’’ ti .
Bhaṭiputtagaṇoti licchavigaṇo pariyāyantarena vutto .
Licchavirājūnañhi pubbarājāno bhaṭināmakassa jaṭilassa puttā honti , tesaṃ vaṃse pavattā etarahi licchavirājānopi bhaṭiputtāti vuccanti .
Jaṭilo pana bārāṇasirañño putte nadisotena vuyhamāne nadito uddharitvā attano
M0.150 assame puttaṃ katvā bharaṇattā posanattā bhaṭīti vuccati , tassa puttattā licchavigaṇo bhaṭiputtoti vuccati .
Tepi gaṇaṃ katvā vesāliyaṃ rajjaṃ anusāsanti , taṃ sandhāya vuttaṃ ‘‘ bhaṭiputtagaṇo ’’ ti .
Dhammagaṇoti sāsanabhattigaṇo anekappakārapuññakammakārakagaṇo vuccati .
Dhammagaṇoti sāsane , loke vā anekappakārapuññakārako gaṇo .Dhammagaṇo nāma sāsanadhammabhattiko
V1.129 gaṇo .
Gandhikaseṇīti anekappakārasugandhivikatikārako gaṇo .
Gandhavikatikārako gaṇo gandhikaseṇī .
Pesakārādigaṇo dussikaseṇī .Gandhikaseṇīti gandhakārānaṃ samajātikānaṃ sippikānaṃ gaṇo .
Dussikaseṇīti dussakārānaṃ samajātikānaṃ pesakārānaṃ gaṇo .
Ādisaddena tacchakaseṇirajakaseṇiādayo saṅgayhanti .
Dussikaseṇīti pesakārakagaṇo .
Yattha yatthāti yasmiṃ yasmiṃ ṭhāne .
Hīti saccaṃ .
Te evāti gaṇādayo eva .
Puna teti gaṇādayo .
Idan ti ‘‘ gaṇaṃ vā ’’ tiādivacanaṃ .
Etthāti rājādīsu .
Saṅghāpucchanameva padhānakāraṇanti āha ‘‘ bhikkhunisaṅgho āpucchitabbovā ’’ ti .
Kappagatikan ti kappaṃ gacchatīti kappagatā , sā eva kappagatikā , taṃ .
Kappagatikan ti kappiyabhāvaṃ gataṃ .
Kappan ti kappiyaṃ .
Kappagatikan ti kappiyasabhāvaṃ .
Kappagatikan ti kappiyabhāvagataṃ , pabbajitapubbanti attho .
Vuṭṭhāpentiyāti upasampādentiyā .
‘‘ Coriṃ vuttanayena anāpucchā pabbājentiyā dukkaṭan ’’ ti vadanti .
Paṇṇattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ‘‘ ticittan ’’ ti vuttanti veditabbaṃ .
Sesamettha uttānameva .
Coritā , corisaññā , aññatra anuññātakāraṇā vuṭṭhāpananti imāni panettha tīṇi aṅgāni .
Kenaci karaṇīyena khaṇḍasīmaṃ agantvā kenaci karaṇīyena bhikkhunīsu pakkantāsūti yojanā .
Nissitakaparisāyāti antevāsikaparisāya .
Vuṭṭhāpentiyāti upasampādentiyāti .
Pakkantāsupīti attano parisaṃ ṭhapetvā itarāsu pakkantāsu .
Paṇṇattiṃ ajānantā ariyāpi vuṭṭhāpentīti katvā vā kammavācāpariyosāne āpattikkhaṇe vipākābyākatasamaṅgitāvasena
V0.326 vā ‘‘ ticittan ’’ ti vuttanti veditabbaṃ .
‘‘ Pabbājane na dukkaṭan ’’ ti porāṇagaṇṭhipade vuttaṃ .Dutiyaṃ .
Dutiyasaṅghādisesasikkhāpadavaṇṇanā niṭṭhitā .
Dutiyasaṅghādisesasikkhāpadavaṇṇanā niṭṭhitā .