12. Dvādasamanissaggiyapācittiyasikkhāpadaṃ
789. Dvādasame lahupāvuraṇaṃ nāma uṇhakāle pāvuraṇavatthanti dassento āha ‘‘ uṇhakāle pāvuraṇan ’’ ti .
Uṇhakāle hi manussā sukhumapāvuraṇaṃ pārupantīti .
Dvādasamaṃ .
769-789.
Aṭṭhamato yāvadvādasamā uttānameva .
Nissaggiyānaṃ
V1.137 tiṃsabhāvaṃ dassento āha ‘‘ mahāvibhaṅge ’’ tiādi .
Cīvaravaggato apanetvāti sambandho .Aññadatthikānīti aññadatthikapadena vuttāni sikkhāpadāni .
Itīti evaṃ .
Ekatopaññattānīti ekasseva paññattāni , ubhatopaññattānīti ubhayesaṃ paññattāni .
Etthāti ‘‘ uddiṭṭhā kho ’’ tiādivacaneti .
Iti samantapāsādikāya vinayasaṃvaṇṇanāya
Bhikkhunivibhaṅge
Tiṃsakavaṇṇanāya yojanā samattā .
Nissaggiyavaṇṇanānayo niṭṭhito .