8. Aṭṭhamasikkhāpadaṃ
8. Aṭṭhamasikkhāpadavaṇṇanā
824. Aṭṭhame
M0.163 nibbiṭṭharājabhaṭoti ettha uttarapadassa chaṭṭhīsamāsañca pubbapadena bāhiratthasamāsañca dassento āha ‘‘ nibbiṭṭho ’’ tiādi .
Tattha ‘‘ rañño bhatī ’’ ti iminā rañño bhaṭo rājabhaṭoti chaṭṭhīsamāsaṃ dasseti ,‘‘ etenā ’’ ti iminā bāhiratthasamāsaṃ .
Nibbiṭṭhoti niviṭṭho patiṭṭhāpitoti attho .
Keṇīti rañño dātabbassa āyassetamadhivacanaṃ .
Etenāti brāhmaṇena .
Tatoti ṭhānantarato .
824. Aṭṭhame nibbiṭṭhoti patiṭṭhāpito .
Keṇīti rañño dātabbassa āyassetaṃ adhivacanaṃ .
Ṭhānantaran ti gāmajanapadādiṭhānantaraṃ .
Sesamettha uttānameva .
824. Porāṇā ‘‘ nibbiṭṭharājabhaṭo ’’ ti paṭhanti .
Tassattho vāritabhattavetano rājabhaṭoti .
824. Aṭṭhame nibbiṭṭhoti laddho .
Keṇīti rañño dātabbo āyo , āyuppattiṭṭhānanti atthoV2.75 .
Tenāha ‘‘ ekaṃ ṭhānantaran ’’ tiādi .
Ṭhānantaran ti ca gāmajanapadāṇāyattaṃ .Bhaṭasaṅkhātāya keṇiyā pathattā kāraṇattā ṭhānantaraṃ bhaṭapathan ti āha ‘‘ taṃyeva ṭhānantaran ’’ ti .
Uccārādibhāvo , anavalokanaṃ , vaḷañjanaṭṭhānaṃ , tirokuṭṭapākāratā , chaḍḍanaṃ vā chaḍḍāpanaṃ vāti imāni panettha pañca aṅgāni .
‘‘ Taññeva bhaṭapathan ti taṃyeva bhattavetanan ’’ ti atthaṃ vadanti .
Vaḷañjiyamānatirokuṭṭāditā , anapaloketvā uccārādīnaṃ chaḍḍanādīti dve aṅgāni .
Ummukan ti alātaṃ .
826. Cattāripi vatthūnīti uccārādīni .
Pāṭekkan ti paṭivisuṃ ekekameva .
Uccāraṃ vātiādīsu vāsaddena dantakaṭṭhādayopi gahetabbāti āha ‘‘ dantakaṭṭha … pe … pācittiyamevā ’’ ti .
826. Ettha chaḍḍitaṃ kiriyā .
Anolokanaṃ akiriyā .
Sabbatthāti sabbesu uccārādīsūti .
Aṭṭhamaṃ .
Aṭṭhamasikkhāpadavaṇṇanā niṭṭhitā .