8. Kumāribhūtavaggo
8. Kumāribhūtavaggo
1-2-3.
Paṭhama-dutiya-tatiyasikkhāpada-atthayojanā
1. Paṭhamādisikkhāpadavaṇṇanā
1119. Kumāribhūtavaggassa
M0.177 paṭhamadutiyatatiyesu yā pana tā mahāsikkhamānāti sambandho .
1119. Kumāribhūtavaggassa paṭhame sabbapaṭhamā dve mahāsikkhamānāti gabbhinivagge sabbapaṭhamaṃ vuttā dve sikkhamānā .
1119. Aṭṭhamavaggassa paṭhame sabbapaṭhamā dve mahāsikkhamānāti gabbhinivagge ( pāci .1067 ādayo ) sabbapaṭhamaṃ vuttā dve .Sabbapaṭhamā dve mahāsikkhamānāti gabbhinivagge sabbāsaṃ sikkhamānānaṃ paṭhamaṃ vuttā dve mahāsikkhamānā .
Tā panāti mahāsikkhamānā pana .
Sikkhamānāicceva vattabbāti sammutikammesu
V1.156 sāmaññato vattabbā .
‘‘ Gihigatā ’’ ti vā ‘‘ kumāribhūtā ’’ ti vā na vattabbā , vadanti ce , sammutikammaṃ kuppatīti adhippāyo .
Sikkhamānā icceva vattabbāti sammutikammādīsu evaṃ vattabbā .
Gihigatāti vā kumāribhūtāti vā na vattabbāti sace vadanti , kammaṃ kuppatīti adhippāyo .
Sikkhamānā icceva vattabbāti sammutikammādīsu aññathā vutte kammaṃ kuppatīti adhippāyo .Gihigatāyāti ettha gihigatā nāma purisantaragatā vuccati .
Sā hi yasmā purisasaṅkhātena gihinā gamiyittha , ajjhācāravasena , gihiṃ vā gamittha , tasmā gihigatāti vuccati .
Ayaṃ sikkhamānāti sambandho .
Kumāribhūtā nāma sāmaṇerā vuccati .
Sā hi yasmā agihigatattā kumārī hutvā bhūtā , kumāribhāvaṃ vā bhūtā gatā , tasmā kumāribhūtāti vuccati .
Tissopīti gihigatā kumāribhūtā mahāsikkhamānāti tissopi .
Sikkhamānāti sikkhaṃ mānetīti sikkhamānāti .
Paṭhama dutiya tatiyāni .
Ito paraṃ navamapariyosānaṃ uttānatthameva .
4. Catutthasikkhāpadaṃ
1136. Catutthe anuttānavacanaṃ natthīti .
Catutthaṃ .
5. Pañcamasikkhāpadaṃ
Pañcame ettha sikkhāpade ‘‘ saṅghena paricchinditabbā ’’ ti yaṃ vacanaṃ vuttaṃ , tassāti yojanāti .
Pañcamaṃ .
6-7-8.
Chaṭṭha-sattama-aṭṭhamasikkhāpadaṃ
Chaṭṭhasattamaṭṭhamesu anuttānaṭṭhānaṃ natthīti .
Chaṭṭhasattamaṭṭhamāni .
9. Navamasikkhāpadaṃ
1158. Navame antoti abbhantare .
Iminā ātyūpasaggassatthaṃ dasseti .
‘‘ Sokan ’’ tiādinā anto vāseti pavesetīti āvāsā
M0.178 .
Sokaṃ āvāsā sokāvāsāti vacanatthaṃ dasseti .Gharaṃ gharasāmikā āvisanti viya , evaṃ ayampi sokaṃ āvisatīti yojanā .
Itīti evaṃ .
Yan ti sokaṃ .
Svāssāti so assā .
Soti soko .
Assāti sikkhamānāya .
Āvāsoti āvāsokāso .
‘‘ Edisā ayan ’’ ti iminā ‘‘ ajānantī ’’ ti ettha ajānanākāraṃ dassetīti .
Navamaṃ .
10. Dasamasikkhāpadaṃ
1170. Dvādasame
M0.179 nappahotīti bhikkhuniyo nivāsāpetuṃ na sakkotīti .Dvādasamaṃ .
13. Terasamasikkhāpadaṃ
1175. Terasame ekaṃ vassan ti ettha vassasaddo saṃvaccharapariyāyo , upayogavacanañca bhummatthe hotīti āha ‘‘ ekasmiṃ saṃvacchare ’’ ti .
Terasamaṃ .
Kumāribhūtavaggo aṭṭhamo .
9. Chattupāhanavaggo