3. Tatiyasikkhāpadaṃ
988. Tatiye yattakan ti yattakaṃ suttanti sambandho .
Añchitan ti kaḍḍhitaṃ .
Tasmin ti tattake sutteti sambandho .
Takkamhīti ettha takkoti eko ayomayo suttakantanassa upakaraṇaviseso .
So hi takīyati suttaṃ bandhīyati ettha , etenāti vā takkoti vuccati , tasmiṃ .
988.‘‘ Ujjavujjaveti hatthappasāraṇe ’’ ti likhitaṃ , taṃ na yuttaṃ ‘‘ yattakaṃ hatthena añchitaṃ hoti , tasmiṃ takkamhi veṭhite ekāpattī ’’ ti vacanato .
Tatiyasikkhāpadavaṇṇanā niṭṭhitā .
Kantanatoti kantīyate kappāsādibhāvassa chindīyate kantanaṃ , tato .
4. Catutthasikkhāpadavaṇṇanā
989. Dasikasuttādin ti
M0.172 ettha dasāti vatthassāvayavo .
So hi diyyati avakhaṇḍīyatīti dasāti vuccati , tassaṃ dasāyaṃ pavattaṃ dasikaṃ , tameva suttaṃ dasikasuttaṃ .
Ādisaddena vakkhamānaṃ dukkantitasuttādiṃ saṅgaṇhātīti .Tatiyaṃ .