835. Dasame soṇḍā vāti surāsoṇḍā vā . Moroti mayūro . Suvoti suko . Makkaṭoti vānaro . Ādisaddena sappādayo saṅgaṇhāti , makkaṭādayopi naccantūti sambandho .

Asaṃyatabhikkhūnan ti vācasikakamme asaṃyatānaṃ bhikkhūnaṃ , dhammabhāṇakagītaṃ vā hotūti yojanā .

Tantiyā guṇena baddhā tantibaddhā . ‘‘ Bhin ’’ tisaṅkhāto rāsaddo etissāti bheri . Kuṭena katā bheri kuṭabheri , tāya vāditaṃ kuṭabherivāditaṃ , taṃ vā . UdakabherītiM0.164 udakena pakkhittā bheri , tāya vāditampi hotūti sambandho .

836. TesaṃyevātiV1.142 yesaṃ naccaṃ passati , tesaṃyeva . 836. Dasame ekapayogenāti ekadisāvalokanapayogena . Tesaṃyevāti yesaṃ naccaṃ passati . Kiñcāpi sayaṃ naccanādīsu pācittiyaṃ pāḷiyaṃ na vuttaṃ , tathāpi aṭṭhakathāpamāṇena gahetabbanti dassetuṃ ‘‘ sabbaaṭṭhakathāsu vuttan ’’ ti āha . 836. Ekapayogo nāma ekadivasāvalokanaṃ .

Yadi pana naccagītavādite visuṃ visuṃ passati suṇāti , pāṭekkā āpattiyoti dassento āha ‘‘ sace panā ’’ tiādi . Aññatoti aññato desato , passatīti sambandho . ‘‘ Oloketvā ’’ ti pade apekkhite upayogatthe topaccayo hoti . Aññaṃ oloketvāti hi attho . Aññato vādente passatīti yojanā . ‘‘ Ārāme ṭhatvāti na kevalaṃ ṭhatvā , tato tato gantvāpi sabbiriyāpathehi labhati ,‘ ārāme ṭhitā ’ ti pana ārāmapariyāpannabhāvadassanatthaṃ vuttaṃ . Itarathā nisinnāpi na labheyyā ’’ ti tīsupi gaṇṭhipadesu vuttaṃ . Tesaṃyevāti yesaṃ naccaṃ passati .

Sesamettha uttānameva . Naccādīnaṃ aññataratā , aññatra anuññātakāraṇā gamanaṃ , dassanaṃ vā savanaṃ vāti imāni panettha tīṇi aṅgāni .

Bhikkhunī na labhatīti sambandho . Aññe vattumpīti sambandho . ‘‘ Bhikkhunī sayampi naccituṃ vā gāyituṃ vā vādituṃ vā na labhatī ’’ tiādi idha sikkhāpade natthi . Kasmā ? Eḷakalomasamuṭṭhānattā . Yadi evaṃ kasmā vuttanti ce ? Suttānulomamahāpadesato . Yadi naccādīni passituṃ vā sotuṃ vā na labhati , pageva attanā kātunti nayato labbhamānattā vuttaṃ . Itarathā mahāpadesā niratthakā siyuṃ . Evamaññatthāpi nayo netabbo . ‘‘ Samuṭṭhānampi idha vuttameva aggahetvā chasamuṭṭhānavasena gahetabban ’’ ti likhitaṃ . Taṃ ‘‘ aññe nacca , gāya , vādehī ’’ ti vattuṃ na labbhatītiādivacīkammaṃ sandhāya likhitañce , taṃ sulikhitaṃ eḷakalomasamuṭṭhāne vācāya abhāvato . ‘‘ Sayampi naccitun ’’ tiādikāyakammañce sandhāya likhitaṃ , dullikhitaṃ . Eḷakalomasamuṭṭhānañhi ekantato kāyakammaṃM0.372 hoti , tasmā uddhaṭaṃ aggahetvā ādisaddena saṅgahitameva idha gahetabbanti . Etaṃ eḷakalomasamuṭṭhānattāti ettha kāraṇavacane suttānulomamahāpadesatoti ettha pana uddhaṭaṃ gahetabbaṃ , evaṃ yathālābhavasena taṃ likhitanti veditabbaṃ . ‘‘ Āhaccabhāsitasikkhāpadavasena eḷakalomasamuṭṭhānan ’’ ti vuttanti upatissattheroV0.340 . ‘‘ Eḷakalomasamuṭṭhānañce idaṃ sikkhāpadaṃ , āṇāpako mucceyya , na ca muccatī ’’ ti vuttaṃ . Taṃ ‘‘ kasmā ’’ ti vutte ‘‘ sabbaaṭṭhakathāsu vuttan ’’ ti aṭṭhakathācariyo āhāti dhammasiritthero .

Upahāran ti pūjaṃ . Upaṭṭhānan ti pāricariyaṃ .

Sabbatthāti sabbesu sayaṃ naccādīsu . Lasuṇavaggavaṇṇanā niṭṭhitā .

837. Antarārāme vāti ārāmassa antare vā . Bahiārāme vāti ārāmassa bahi vā . 837. Ārāme ṭhatvāti na kevalaṃ ṭhatvā , tato gantvā pana sabbiriyāpathehipi labhati . ‘‘ Ārāme ṭhitāti pana ārāmapariyāpannāti attho , itarathā nisinnāpi na labheyyā ’’ ti likhitaṃ , taṃ sulikhitameva .

Aññena vāti salākabhattādīhi aññena vā .

Tādisenāti yādiso corādiupaddavo , tādisenāti .

Dasamaṃ .

Lasuṇavaggo paṭhamo . Dasamasikkhāpadavaṇṇanā niṭṭhitā .

2. Andhakāravaggo Lasuṇavaggavaṇṇanā niṭṭhitā .