2. Dutiyapārājikasikkhāpadaṃ
664. Dutiye
M0.144 kacci no sāti ettha no saddo nusaddatthoti āha ‘‘ kacci nu sā ’’ ti .‘‘ Akittī ’’ ti ettha sammukhā nindaṃ gahetvā ‘‘ ayaso ’’ tiiminā parammukhā nindā gahetabbāti dassetuṃ vuttaṃ ‘‘ parammukhagarahā vā ’’ ti .
Parivāravipattīti parijanassa vināsanaṃ .
666.‘‘ Yā pārājikaṃ āpannā ’’ tiiminā ‘‘ sā vā ’’ ti ettha tasaddassa visayaṃ dasseti .
666. Dutiye ‘‘ kissa pana tvaṃ ayye jānaṃ pārājikaṃ dhammaṃ ajjhāpannan ’’ ti vacanato ‘‘ uddiṭṭhā kho ayyāyo aṭṭha pārājikā dhammā ’’ tiādivacanato ca bhikkhunīvibhaṅgaṃ patvā sādhāraṇāni sikkhāpadāni bhikkhūnaṃ uppannavatthusmiṃyeva ‘‘ yā pana bhikkhunī chandaso methunaṃ dhammaṃ paṭiseveyya , antamaso tiracchānagatenapi , pārājikā hoti asaṃvāsā ’’ tiādinā nayena savisesampi avisesampi mātikaṃ ṭhapetvā anukkamena padabhājanaṃ āpattibhedaṃ tikacchedaṃ anāpattivārañca anavasesaṃ vatvā vitthāresi .
Saṅgītikārakehi pana asādhāraṇapaññattiyoyeva idha vitthāritāti veditabbā .
666. Dutiye purimenātiādi sundarīnandāya vajjapaṭicchādane paññattataṃ sandhāya vuttaṃ .
Catunnan ti niddhāraṇatthe cetaṃ sāmivacanaṃ , catūsūti attho .
Atha uparimesu dvīsu apaññattesu aṭṭhannaṃ pārājikānaṃ aññataranti idaṃ vacanaṃ na yujjatīti āha ‘‘ idañca pārājikaṃ pacchā paññattan ’’ tiādi .
Yadi evaṃ imasmiṃ okāse kasmā ṭhapitanti āha ‘‘ purimena pana saddhiṃ yugaḷattā ’’ tiādi , purimena saddhiṃ ekasambandhabhāvato idha vuttanti adhippāyo .
666. Tattha ‘‘ aṭṭhannaṃ pārājikānan ’’ ti idaṃ kevalaṃ saṅgītikārakānaṃyeva nayato nikkhittavacanaṃ ito pubbe chaṭṭhasattamaṭṭhamānaṃ pārājikānaṃ apaññattattā .
Bhagavatā pana idaṃ paññāpitamādisikkhāpadampi upādāya ‘‘ channaṃ pārājikānan ’’ ti vuttaṃ siyā .
Ito uddhaṃ paññattānipi upādāya ‘‘ aṭṭhannaṃ pārājikānan ’’ ti vacanaṃ aparabhāge uppannanti ekacce ācariyā .
Aṭṭhakathāyaṃ pana ‘‘ idañca pārājikaṃ pacchā paññattaṃ , tasmā ‘ aṭṭhannan ’ ti vibhaṅge vuttan ’’ tiādi vuttaṃ , tasmā aṭṭhakathācariyānaṃ matena siddhametaṃ yathāpaññattānukkamavaseneva saṅgītānīti .
‘‘ Aṭṭhannan ’’ ti vuttattā vajjapaṭicchādanassāpi paṭicchādane pārājikamevāti daṭṭhabbaṃ .
Pacchāti sabbapārājikānaṃ pacchā .
Imasmiṃ okāseti paṭhamatatiyapārājikānamantare ṭhāne .
Ṭhapitan ti saṅgītikārehi nikkhittaṃ .
Etthāti imasmiṃ sikkhāpade .
‘‘ Dhuraṃ nikkhittamatte ’’ ti vuttattā paṇṇattiṃ ajānantiyāpi ‘‘ idaṃ vajjaṃ na pakāsessāmī ’’ ti chandena dhuraṃ nikkhepakkhaṇe pārājikanti daṭṭhabbaṃ .
Tatrāti duṭṭhullasikkhāpadeti .
‘‘ Duṭṭhullasikkhāpade vuttanayenevā ’’ ti vacanato vajjapaṭicchādikaṃ yā paṭicchādeti , sāpi vajjapaṭicchādikaāyevāti siddhaṃ .
Taṃ pana paṭicchādanaṃ yasmā ‘‘ pesalā ñatvā garahissantī ’’ ti bhayeneva hoti , bhayañca kodhacittasampayuttaṃ , tasmā idaṃ ‘‘ dukkhavedanan ’’ ti vuttaṃ .
‘‘ Aṭṭhannaṃ pārājikānaṃ aññataran ’’ ti vacanato ca vajjapaṭicchādikaṃ yā paṭicchādeti , sāpi vajjapaṭicchādikāyevāti daṭṭhabbaṃ .
Kiñcāpi vajjapaṭicchādanaṃ pemavasena hoti , tathāpi sikkhāpadavītikkamacittaṃ domanassitameva hotīti katvā ‘‘ dukkhavedanan ’’ ti vuttaṃ .
Yaṃ pana sāratthadīpaniyaṃ ( sārattha . ṭī . pārājikakaṇḍa 3.666)‘‘ kiñcāpi vajjapaṭicchādanaṃ pemavasena hoti , tathāpi sikkhāpadavītikkamacittaṃ domanassitameva hotī ’’ ti evaṃ paṇṇattivītikkamacitteneva chādanaṃ domanassatte kāraṇaṃ vuttaṃ , taṃ akāraṇaṃ paṇṇattivijānanaṃ vināpi āpajjitabbatova .
Sesamettha uttānameva .
Kiñcāpi vajjapaṭicchādanaṃ pemavasena hoti , tathāpi sikkhāpadavītikkamacittaṃ domanassikameva hotīti katvā ‘‘ dukkhavedanan ’’ ti vuttaṃ .
Dutiyaṃ .
Dutiyapārājikasikkhāpadavaṇṇanā niṭṭhitā .
Dutiyapārājikasikkhāpadavaṇṇanā niṭṭhitā .
Vajjapaṭicchādikasikkhāpadavaṇṇanā niṭṭhitā .