11. Ekādasamasikkhāpadaṃ
1214. Ekādasame abhimukhamevāti abhimukhe eva .
Mukhassa hi abhi abhimukhan ti vacanattho kātabbo , sattamiyā aṃkāro .
Iminā puratoti ettha topaccayo bhummatthe hotīti dasseti .
1214. Chattupāhanavaggassa
M3.128 ekādasame upacāraṃ sandhāyāti samantā dvādasahatthupacāraṃ sandhāya .
1214. Upacāraṃ sandhāya kathitan ti ‘‘ dvādasahatthaṃ upacāro ’’ ti likhitaṃ .Upacāran ti dvādasahatthūpacāranti .
Sesaṃ sabbattha uttānameva .
Chattupāhanavaggavaṇṇanā niṭṭhitā .
Giraggasamajjādīni acittakāni lokavajjānīti vuttattā naccanti vā vaṇṇakanti vā ajānitvāva passantiyā vā nahāyantiyā vā āpattisambhavato vatthuajānanacittena acittakāni , naccanti vā vaṇṇakanti vā jānitvā passantiyā vā nahāyantiyā vā akusaleneva āpajjanato lokavajjānīti veditabbāni .
Corīvuṭṭhāpanādīni corītiādinā vatthuṃ jānitvā karaṇe eva āpattisambhavato sacittakāni , upasampadādīnaṃ ekantaakusalacitteneva akattabbattā paṇṇattivajjāni .
‘‘ Idha sacittakācittakatā paṇṇattijānanājānanatāya aggahetvā vatthujānanājānanatāya gahetabbā ’’ ti tīsupi gaṇṭhipadesu vuttaṃ .
Sesamettha uttānatthameva .
Bhikkhunīvibhaṅge khuddakavaṇṇanā niṭṭhitā .
Pācittiyakaṇḍaṃ niṭṭhitaṃ .
5. Pāṭidesanīyakaṇḍaṃ ( bhikkhunīvibhaṅgavaṇṇanā )
Pāṭidesanīyasikkhāpadavaṇṇanā
Ekādasamaṃ .