854. Pañcame tesan ti gharasāmikānaṃ . Gharampīti na kevalaṃ āsanameva , gharampi sodhemāti attho . Tatoti parivitakkanato , paranti sambandho . 854. Pañcame pallaṅkassa anokāseti ūrubaddhāsanassa appahonake . Purebhattaṃ antaraghare pallaṅkappahonakāsane nisajjā , ananuññātakāraṇā anāpucchā vuttaparicchedātikkamoti dve aṅgāni .

856-857. PañcameM3.125 anovassakaṃ atikkāmentiyāti channassa anto nisīditvā pakkamantiṃ sandhāya vuttaṃ . ‘‘ Upacāro dvādasahattho ’’ ti vadanti . Pallaṅkassa anokāseti ūrubaddhāsanassa anokāse appahonte . Purebhattatā , antaraghare nisajjā , āsanassa pallaṅkokāsatā , aññatra anuññātakāraṇā anāpucchanaṃ , vuttaparicchedātikkamoti imāni panettha pañca aṅgāni . 856.‘‘ Kulaṃ nāma cattāri kulānī ’’ ti vuttattā titthiyārāme kappati tassa kulavohārābhāvatoti eke . Titthiyānaṃ khattiyādipariyāpannattā na kappatīti eke . Tassa kappiyabhūmittā na yuttanti ce ? Na , yathāvuttakhattiyādīnaṃ sambhavato . Tathāpi gocarakulaṃ idhādhippetaṃ . ‘‘ Upacāro dvādasahattho ’’ ti likhitaṃ . Pañcamasikkhāpadavaṇṇanā niṭṭhitā . 6. Chaṭṭhasikkhāpadavaṇṇanā

858. Corā vā uṭṭhitā hontīti yojanāti .

Pañcamaṃ .