Issues
Editor
Settings
Versions
Select Version
Bhāsāṭīkā-ဘာသာဋီကာ
မြန်မာဘာသာ
EvaṃM0.141V1.121 bhikkhuvibhaṅgassa , katvāna yojanānayaṃ ; Bhikkhunīnaṃ vibhaṅgassa , karissaṃ yojanānayaṃ . Bhikkhunīvibhaṅgavaṇṇanā
EvaṃM0.141V1.121 bhikkhuvibhaṅgassa , katvāna yojanānayaṃ ; Bhikkhunīnaṃ vibhaṅgassa , karissaṃ yojanānayaṃ . Bhikkhunīvibhaṅgavaṇṇanā

Dasamasaṅghādisesasikkhāpadaṃ Nissaggiyakaṇḍavaṇṇanā Paṭhamanissaggiyapācittiyasikkhāpadavaṇṇanā Nissaggiyakaṇḍaṃ Dutiyanissaggiyādipācittiyasikkhāpadavaṇṇanā

Author： _System_commentary_ @ Administrator

10. Dasamasaṅghādisesasikkhāpadaṃ 3. Nissaggiyakaṇḍavaṇṇanā 1. Paṭhamanissaggiyapācittiyasikkhāpadavaṇṇanā 3. Nissaggiyakaṇḍaṃ 2. Dutiyanissaggiyādipācittiyasikkhāpadavaṇṇanā

727. DasameM0.154 evācārāti ettha niggahitalopavasena sandhīti āha ‘‘ evaṃācārā ’’ ti . ‘‘ Yādiso ’’ tiādinā evaṃsaddassa nidassanādīsu ( abhidhānappadīpikāyaṃ 1186 gāthāyaṃ ) ekādasasu atthesu upamatthaṃ dasseti . 727. Dasamaṃ uttānatthameva . 709-727. Sattamato yāvadasamapariyosānāni uttānāneva .
Sabbatthāti ‘‘ evaṃsaddā evaṃsilokā ’’ ti sabbesu padesu .
Uññāyāti ettha okāraviparīto ukāroti āha ‘‘ avaññāyā ’’ ti . ‘‘ Nīcaṃ katvā jānanāyā ’’ ti iminā avasaddo nīcattho , ñādhātu avabodhanatthoti dasseti .
‘‘ Paribhavaññāyā ’’ ti vattabbe uttarapadalopavasena ‘‘ paribhavenā ’’ ti vuttanti āha ‘‘ paribhavitvā jānanenā ’’ ti .
Akkhantiyāti ettha sahanakhantiyevādhippetā , neva anulomakhanti , na diṭṭhinijjhānakkhantīti dassento āha ‘‘ asahanatāyā ’’ ti .
Vebhassiyāti ettha visesena bhāsetiV1.133 obhāsetīti vibhāso ānubhāvo , vibhāso imassa saṅghassa atthīti vibhasso saṅgho , bahvatthe ca atisayatthe ca sapaccayo hoti . Kasmā ? Mantupaccayatthattā ‘‘ lomaso ’’ tiādīsu ( jā .1.14.57) viya , bahuānubhāvo atisayaānubhāvo saṅghoti vuttaṃ hoti , saṃyogaparattā ākārassa rasso . Vibhassassa bhāvo vebhassiyaṃ , bahuānubhāvo atisayaānubhāvoyeva . Iti imamatthaṃ dassento āha ‘‘ balavabhassabhāvenā ’’ ti . Tattha balavaiti padena mantuatthe pavattassa sappaccayassa bahvatthañca atisayatthañca dasseti , bhāvaiti padena ṇiyapaccayassa bhāvatthaṃ , enaiti padena nissakkavacanassa karaṇatthe pavattabhāvaṃ dasseti . Tamevatthamāvikaronto āha ‘‘ attano balavappakāsanenā ’’ ti . Tattha attanoti attasaṅkhātassa saṅghassa . Balavappakāsanenāti bahuānubhāvappakāsanena , atisayaānubhāvappakāsanena vā . Balavappakāsanaṃ nāma atthato paresaṃ samutrāsanamevāti āha ‘‘ samutrāsanenāti attho ’’ ti .
Dubbalabhāvenāti ettha bhāvaitipadena ṇyapaccayassa bhāvatthaṃ , enaitipadenaM0.155 nissakkavacanassa karaṇatthaṃ dassetīti daṭṭhabbaṃ .
Sabbatthāti ‘‘ uññāyā ’’ tiādīsu sabbesu padesu . Casaddo luttaniddiṭṭhoti āha ‘‘ evaṃ samuccayattho daṭṭhabbo ’’ ti .
Viviccathāti ettha vītyūpasaggo vināsaddattho , vicadhātu sattatthoti āha ‘‘ vinā hothā ’’ ti .
Dasamaṃ .
Anantarā pakkhipitvāti sambandho . Mahāvibhaṅgato āharitāni imāni tīṇi sikkhāpadānīti yojanā . Nava paṭhamāpattikā veditabbāti sambandho .
Sabbepi dhammāti yojanā . Etthāti ‘‘ uddiṭṭhā kho ’’ tiādipāṭhe .
Taṃ panāti pakkhamānattaṃ panāti .
Iti samantapāsādikāya vinayasaṃvaṇṇanāya Bhikkhunivibhaṅge Sattarasakavaṇṇanāya yojanā samattā .
Bhikkhunīvibhaṅge saṅghādisesavaṇṇanā niṭṭhitā .
Saṅghādisesakaṇḍaṃ niṭṭhitaṃ .