1. Paṭhamādisikkhāpadavaṇṇanā
978. Cittāgāravaggassa paṭhame rañño kīḷanaṭṭhānaṃ agāraṃ rājāgāran ti vacanatthaṃ dassento āha ‘‘ rañño kīḷanagharan ’’ ti .
978. Cittāgāravaggassa paṭhame kīḷanaupavanan ti antonagare ṭhitaṃ sandhāya vuttaṃ , kīḷanuyyānan ti bahinagare ṭhitaṃ sandhāya .
978. Kīḷanaupavanaṃ nāma kañcinagarassa nagarupavanaṃ viya daṭṭhabbaṃ .
978. Cittāgāravaggassa
M2.79 paṭhame pāṭekkā āpattiyoti gīvāya parivattanappayogagaṇanāya .Cittaṃ agāraṃ cittāgāraṃ .
Uyyānaṃ nāma tattheva nandavanauyyānaṃ viya daṭṭhabbaṃ .
Ārāman ti nagarato nātidūraārāmoti āha ‘‘ upavanan ’’ ti .
Uyyānan ti sampannapupphaphalatāya uddhaṃ ulloketvā manussā yanti gacchanti etthāti uyyānaṃ .
Pokkharaṇin ti pokkharaṃ padumaṃ netīti pokkharaṇī .
Pañcapīti rājāgārādīni pañcapi .
‘‘ Tattheva ṭhatvā taṃ taṃ disābhāgaṃ viloketvā passantiyā pana pāṭekkā āpattiyo ’’ ti pāṭho .
Evaṃ vutte yaṃ pubbe vuttaṃ padaṃ ‘‘ anuddharamānā ’’ ti , taṃ ekasmiṃyeva disābhāgeti siddhanti eke .
Upacāro dve leḍḍupātoti ca .
Paṭhamasikkhāpadavaṇṇanā niṭṭhitā .
Sabbatthāti dassanatthāya gamane ca gantvā passane cāti sabbesu .
Pāṭekkā āpattiyoti gīvāya parivaṭṭanappayogagaṇanāya āpattiyo , na ummīlanagaṇanāya .
‘‘ Ajjhārāme rājāgārādīni karonti
V3.118 , tāni passantiyā anāpattī ’’ ti vacanato ‘‘ antoārāme tattha tattha gantvā naccādīni passituṃ labhatī ’’ tipi siddhaṃ . 981.‘‘ Ajjhārāme ’’ tiādinā
V1.150 ārāme ṭhitāya ārāmato bahi kate rājāgārādike passantiyāpi anāpattīti dasseti .
Tānīti rājāgārādīnīti .Paṭhamaṃ .