4. Padaṭṭhānahārasampātādivaṇṇanā
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti , tasmā rakkhitacittassāti ettha yāyaṃ rakkhitacittatā , sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo .
Attādhīnan ti attaparādhīnaṃ .
Tato evāti kāraṇaggahaṇena phalassa gahitattā eva .
68. Tattha
V0.94 itisaddoti ‘‘ paripālīyatī ’’ ti itisaddo . 73-4.
Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā .
Tesanti tehi sīlakkhandho saṅgahito .
Samādhipaññindriyehi samādhipaññākkhandhā gahitāti pākaṭoyamattho , tathā sesampīti āha ‘‘ ito paresu … pe … vuttanayamevā ’’ ti .
76. Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva .
Padaṭṭhānahārasampātādivaṇṇanā niṭṭhitā .