Purejātapaccayo
161. Appītiko dhammo appītikassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ … pe … vatthuṃ appītikena cittena aniccato … pe … vipassati , assādeti abhinandati , taṃ ārabbha appītiko rāgo … pe … domanassaṃ uppajjati , pīti uppajjati , dibbena cakkhunā rūpaṃ passati … pe … phoṭṭhabbāyatanaṃ kāyaviññāṇassa … pe ….
Vatthupurejātaṃ – cakkhāyatanaṃ cakkhuviññāṇassa … pe … kāyāyatanaṃ kāyaviññāṇassa … pe … vatthu appītikānaṃ khandhānaṃ pītiyā ca purejātapaccayena paccayo .(1)
Appītiko dhammo sappītikassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ … pe … vatthuṃ sappītikena cittena aniccato … pe … vipassati , assādeti abhinandati , taṃ ārabbha sappītiko rāgo uppajjati , diṭṭhi uppajjati .
Vatthupurejātaṃ – vatthu sappītikānaṃ khandhānaṃ purejātapaccayena paccayo .(2)
Appītiko dhammo sappītikassa ca appītikassa ca dhammassa purejātapaccayena paccayo
V4.129 – ārammaṇapurejātaṃ , vatthupurejātaṃ .Ārammaṇapurejātaṃ – cakkhuṃ … pe … vatthuṃ sappītikena cittena aniccato … pe … vipassati assādeti abhinandati , taṃ ārabbha
T4.423 pīti ca sampayuttakā khandhā ca uppajjanti .Vatthupurejātaṃ
M4.110 – vatthu sappītikānaṃ khandhānaṃ pītiyā ca purejātapaccayena paccayo .(3)