Purejātapaccayādi
254. Narūpāvacaro dhammo narūpāvacarassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ
M4.153 … pe … vatthuṃ aniccato … pe … domanassaṃ uppajjati , rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa purejātapaccayena paccayo .Vatthupurejātaṃ – cakkhāyatanaṃ cakkhuviññāṇassa … pe … kāyāyatanaṃ kāyaviññāṇassa purejātapaccayena paccayo ;
vatthu narūpāvacarānaṃ khandhānaṃ purejātapaccayena paccayo .
Narūpāvacaro dhammo rūpāvacarassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – dibbena cakkhunā rūpaṃ passati , dibbāya sotadhātuyā saddaṃ suṇāti .
Vatthupurejātaṃ – vatthu rūpāvacarānaṃ khandhānaṃ purejātapaccayena paccayo .(2)
Pacchājātapaccayena paccayo … dve … āsevanapaccayena paccayo … tīṇi .