Kammapaccayādi
130. Savitakko dhammo savitakkassa dhammassa kammapaccayena paccayo – sahajātā , nānākkhaṇikā .
Sahajātā – savitakkā cetanā sampayuttakānaṃ khandhānaṃ kammapaccayena paccayo ;
paṭisandhikkhaṇe … pe ….
Nānākkhaṇikā – savitakkā cetanā vipākānaṃ savitakkānaṃ khandhānaṃ kammapaccayena paccayo .( Evaṃ cattāri , sahajātāpi nānākkhaṇikāpi kātabbā .)
Vipākapaccayena
M4.95 paccayo … nava … āhārapaccayena paccayo … cattāri … indriyapaccayenaT4.403 paccayo … cattāri … jhānapaccayena paccayo … nava … maggapaccayena paccayo … nava … sampayuttapaccayena paccayo … cha . 131. Savitakko dhammo savitakkassa dhammassa vippayuttapaccayena paccayo – sahajātaṃ , pacchājātaṃ ( saṃkhittaṃ ).(1)
Avitakko dhammo avitakkassa dhammassa vippayuttapaccayena paccayo – sahajātaṃ , purejātaṃ
V4.112 , pacchājātaṃ ( saṃkhittaṃ ).Avitakko dhammo savitakkassa dhammassa vippayuttapaccayena paccayo – sahajātaṃ , purejātaṃ ( saṃkhittaṃ ).
Avitakko dhammo savitakkassa ca avitakkassa ca dhammassa vippayuttapaccayena paccayo – sahajātaṃ , purejātaṃ .
Sahajātaṃ – paṭisandhikkhaṇe vatthu vitakkassa sampayuttakānañca khandhānaṃ vippayuttapaccayena paccayo .
Purejātaṃ – vatthu vitakkassa sampayuttakānañca khandhānaṃ vippayuttapaccayena paccayo .(3)
Savitakko ca avitakko ca dhammā avitakkassa dhammassa vippayuttapaccayena paccayo – sahajātaṃ , pacchājātaṃ ( saṃkhittaṃ ).