Issues
Editor
Settings
Paṭṭhānapāḷi
Paṭṭhānapāḷi

Hetupaccayādi

Author： _System_Pali_VRI_ @ Administrator

Hetupaccayādi

497. HetuV4.370 anāgatārammaṇo dhammo hetussa anāgatārammaṇassa dhammassa hetupaccayena paccayo … tīṇi .
Hetu anāgatārammaṇo dhammo hetussa anāgatārammaṇassa dhammassa ārammaṇapaccayena paccayo … nava .
HetuM4.311 anāgatārammaṇo dhammo hetussa anāgatārammaṇassa dhammassa adhipatipaccayena paccayo – ārammaṇādhipati , sahajātādhipati … tīṇi .
Nahetu anāgatārammaṇo dhammo nahetussa anāgatārammaṇassa dhammassa adhipatipaccayena paccayo – ārammaṇādhipati , sahajātādhipati … tīṇi .
Hetu anāgatārammaṇo ca nahetu anāgatārammaṇoT5.131 ca dhammā hetussa anāgatārammaṇassa dhammassa adhipatipaccayena paccayo – ārammaṇādhipati … tīṇi ( saṃkhittaṃ ).
498. Hetuyā tīṇi , ārammaṇe nava , adhipatiyā nava , anantare nava , samanantare nava , sahajāte nava , aññamaññe nava , nissaye nava , upanissaye nava , āsevane nava , kamme tīṇi , vipāke nava , āhāre tīṇi … pe … avigate nava ( saṃkhittaṃ ).