1. Vibhaṅgavāro
Nahetu-naārammaṇapaccayā
302. Aniyyānikaṃ dhammaṃ paṭicca aniyyāniko dhammo uppajjati nahetupaccayā – ahetukaṃ aniyyānikaṃ ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … ahetukapaṭisandhikkhaṇe … pe … khandhe paṭicca vatthu , vatthuṃ paṭicca khandhā , ekaṃ mahābhūtaṃ … pe …( yāva asaññasattā ) vicikicchāsahagate uddhaccasahagate khandhe paṭicca vicikicchāsahagato uddhaccasahagato moho .(1) Naārammaṇapaccayā … tīṇi .
Naadhipatipaccayādi
303. Niyyānikaṃ dhammaṃ paṭicca niyyāniko dhammo uppajjati naadhipatipaccayā – niyyānike khandhe paṭicca niyyānikādhipati .(1)
Aniyyānikaṃ dhammaṃ paṭicca aniyyāniko dhammo uppajjati naadhipatipaccayā – aniyyānikaṃ
V4.201 ekaṃ khandhaṃ paṭicca tayo khandhā cittasamuṭṭhānañca rūpaṃ … pe … dve khandhe … pe … paṭisandhikkhaṇe … pe …( yāva asaññasattā kātabbā ).(1)Naanantarapaccayā … nasamanantarapaccayā … naaññamaññapaccayā … pe ….
Napurejātapaccayo
304. Niyyānikaṃ
M4.171 dhammaṃ paṭicca niyyāniko dhammo uppajjati napurejātapaccayā – arūpe niyyānikaṃ ekaṃ khandhaṃ … pe ….Niyyānikaṃ dhammaṃ paṭicca aniyyāniko dhammo uppajjati napurejātapaccayā – niyyānike
T4.501 khandhe paṭicca cittasamuṭṭhānaṃ rūpaṃ .(2)Aniyyānikaṃ dhammaṃ paṭicca aniyyāniko dhammo uppajjati napurejātapaccayā – arūpe aniyyānikaṃ ekaṃ khandhaṃ paṭicca tayo khandhā … pe … dve khandhe … pe … aniyyānike khandhe paṭicca cittasamuṭṭhānaṃ rūpaṃ ;
paṭisandhikkhaṇe … pe …( yāva asaññasattā ).(1)
Niyyānikañca aniyyānikañca dhammaṃ paṭicca aniyyāniko dhammo uppajjati napurejātapaccayā – niyyānike khandhe ca mahābhūte ca paṭicca cittasamuṭṭhānaṃ rūpaṃ .(1)