Issues
Editor
Settings
Paṭṭhānapāḷi
Paṭṭhānapāḷi

7. Pañhāvāro

Author： _System_Pali_VRI_ @ Administrator

7. Pañhāvāro

Paccayacatukkaṃ

Hetupaccayādi

198. Hetu asaṃkiliṭṭhasaṃkilesiko dhammo hetussa asaṃkiliṭṭhasaṃkilesikassa dhammassa hetupaccayena paccayo … tīṇi .
Hetu asaṃkiliṭṭhasaṃkilesiko dhammo hetussa asaṃkiliṭṭhasaṃkilesikassa dhammassa ārammaṇapaccayena paccayo … nava .
HetuV4.278 asaṃkiliṭṭhasaṃkilesiko dhammo hetussa asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati , sahajātādhipati … tīṇi .
Nahetu asaṃkiliṭṭhasaṃkilesiko dhammo nahetussa asaṃkiliṭṭhasaṃkilesikassa dhammassa adhipatipaccayena paccayo – ārammaṇādhipati , sahajātādhipati … tīṇi .
HetuM4.237 asaṃkiliṭṭhasaṃkilesiko ca nahetu asaṃkiliṭṭhasaṃkilesiko ca dhammā hetussa asaṃkiliṭṭhasaṃkilesikassaT5.49 dhammassa adhipatipaccayena paccayo – ārammaṇādhipati … tīṇi ( saṃkhittaṃ ).
199. Hetuyā tīṇi , ārammaṇe nava , adhipatiyā nava , anantare nava , samanantare nava , sahajāte nava , aññamaññe nava , nissaye nava , upanissaye nava , purejāte tīṇi , pacchājāte tīṇi , āsevane nava , kamme tīṇi , vipāke nava , āhāre tīṇi , indriye nava , jhāne tīṇi , magge nava , sampayutte nava , vippayutte pañca , atthiyā nava , natthiyā nava , vigate nava , avigate nava ( saṃkhittaṃ ).

Paccanīyuddhāro

200. Hetu asaṃkiliṭṭhasaṃkilesiko dhammo hetussa asaṃkiliṭṭhasaṃkilesikassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo ( saṃkhittaṃ ).
201. Nahetuyā nava , naārammaṇe nava ( saṃkhittaṃ ).
Hetupaccayā naārammaṇe tīṇi ( saṃkhittaṃ ).
Nahetupaccayā ārammaṇe nava ( saṃkhittaṃ ).
( Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ , evaṃ gaṇetabbaṃ .)