1. Vibhaṅgavāro
Hetupaccayo
94. Bhāvanāya
T4.379 pahātabbahetuko dhammo bhāvanāya pahātabbahetukassa dhammassa hetupaccayena paccayo … cha … pe …( dassanena pahātabbahetukadukasadisā ).Ārammaṇapaccayo
95. Bhāvanāya
M4.77 pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo … tīṇi ( ārabbha dassanena pahātabbahetukadukasadisā ). 96. Nabhāvanāya
V4.91 pahātabbahetuko dhammo nabhāvanāya pahātabbahetukassa dhammassa ārammaṇapaccayena paccayo – dānaṃ … pe … sīlaṃ … pe … uposathakammaṃ katvā taṃ paccavekkhati assādeti abhinandati , taṃ ārabbha nabhāvanāya pahātabbahetuko rāgo uppajjati , diṭṭhi … pe … vicikicchā … pe … nabhāvanāya pahātabbahetukaṃ domanassaṃ uppajjati , pubbe suciṇṇāni … pe … jhānā … pe … ariyā maggā … pe … phalassa , āvajjanāya ārammaṇapaccayena paccayo ;ariyā nabhāvanāya pahātabbahetuke pahīne kilese … pe … pubbe samudāciṇṇe … pe … cakkhuṃ … pe … vatthuṃ nabhāvanāya pahātabbahetuke khandhe ca mohañca aniccato … pe … vipassati assādeti abhinandati , taṃ ārabbha nabhāvanāya pahātabbahetuko rāgo uppajjati , diṭṭhi … pe … vicikicchā … pe … nabhāvanāya pahātabbahetukaṃ domanassaṃ uppajjati ;
dibbena cakkhunā rūpaṃ passati … pe … anāgataṃsañāṇassa , āvajjanāya , mohassa ca ārammaṇapaccayena paccayo .(1)
Nabhāvanāya pahātabbahetuko dhammo bhāvanāya pahātabbahetukassa dhammassa ārammaṇapaccayena paccayo
T4.380 – dānaṃ … pe … sīlaṃ … pe … jhānaṃ … pe … cakkhuṃ … pe … vatthuṃ nabhāvanāya pahātabbahetuke khandhe ca mohañca assādeti abhinandati , taṃ ārabbha bhāvanāya pahātabbahetuko rāgo uppajjati , uddhaccaṃ … pe … bhāvanāya pahātabbahetukaṃ domanassaṃ uppajjati .(2)Nabhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa ārammaṇapaccayena paccayo – cakkhuṃ … pe … vatthuṃ nabhāvanāya pahātabbahetuke khandhe ca mohañca ārabbha uddhaccasahagatā khandhā ca moho ca uppajjanti ( ghaṭanārammaṇā tīṇipi kātabbā ).(3)
Adhipatipaccayādi
97. Bhāvanāya
M4.78 pahātabbahetuko dhammo bhāvanāya pahātabbahetukassa dhammassa adhipatipaccayena paccayo – ārammaṇādhipati , sahajātādhipati .Ārammaṇādhipati – bhāvanāya pahātabbahetukaṃ rāgaṃ garuṃ katvā assādeti abhinandati , taṃ garuṃ katvā bhāvanāya pahātabbahetuko
V4.92 rāgo uppajjati .Sahajātādhipati – bhāvanāya pahātabbahetukādhipati sampayuttakānaṃ khandhānaṃ adhipatipaccayena paccayo .(1)
Bhāvanāya pahātabbahetuko dhammo nabhāvanāya pahātabbahetukassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – bhāvanāya pahātabbahetukaṃ rāgaṃ garuṃ katvā assādeti abhinandati , taṃ garuṃ katvā nabhāvanāya pahātabbahetuko rāgo uppajjati , diṭṭhi uppajjati .
Sahajātādhipati – bhāvanāya pahātabbahetukādhipati cittasamuṭṭhānānaṃ
T4.381 rūpānaṃ adhipatipaccayena paccayo .(2)Bhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa adhipatipaccayena paccayo .
Sahajātādhipati – bhāvanāya pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(3)
98. Nabhāvanāya pahātabbahetuko dhammo nabhāvanāya pahātabbahetukassa dhammassa adhipatipaccayena paccayo – ārammaṇādhipati , sahajātādhipati .
Ārammaṇādhipati – dānaṃ … pe … sīlaṃ … pe … uposathakammaṃ katvā taṃ garuṃ katvā paccavekkhati assādeti abhinandati , taṃ garuṃ katvā nabhāvanāya pahātabbahetuko rāgo uppajjati , diṭṭhi uppajjati , pubbe … pe … jhānā … pe … ariyā maggā vuṭṭhahitvā … pe … phalassa adhipatipaccayena paccayo ;
cakkhuṃ … pe … vatthuṃ nabhāvanāya pahātabbahetuke khandhe garuṃ katvā assādeti abhinandati , taṃ garuṃ katvā nabhāvanāya pahātabbahetuko rāgo uppajjati , diṭṭhi uppajjati .
Sahajātādhipati – nabhāvanāya pahātabbahetukādhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo .(1)
Nabhāvanāya
M4.79 pahātabbahetuko dhammo bhāvanāya pahātabbahetukassa dhammassa adhipatipaccayena paccayo – ārammaṇādhipati – dānaṃ … pe … jhānaṃ … pe … cakkhuṃ … pe … vatthuṃ nabhāvanāya pahātabbahetuke khandhe garuṃ katvā assādeti abhinandati , taṃ garuṃ katvā bhāvanāya pahātabbahetuko rāgo uppajjati .(2)( Anantarapaccaye
T4.382V4.93 nabhāvanāya pahātabbahetukakāraṇā vicikicchāsahagato moho na kātabbo , uddhaccasahagato moho kātabbo .) Samanantarapaccayena paccayo … sahajātapaccayena paccayo … nava … aññamaññapaccayena paccayo … cha … nissayapaccayena paccayo … nava .Upanissayapaccayo
99. Bhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – bhāvanāya pahātabbahetukā khandhā bhāvanāya pahātabbahetukānaṃ khandhānaṃ upanissayapaccayena paccayo .( Mūlaṃ kātabbaṃ .) Bhāvanāya pahātabbahetukā khandhā nabhāvanāya pahātabbahetukānaṃ khandhānaṃ mohassa ca upanissayapaccayena paccayo ;
sakabhaṇḍe chandarāgo parabhaṇḍe chandarāgassa upanissayapaccayena paccayo ;
sakapariggahe chandarāgo parapariggahe chandarāgassa upanissayapaccayena paccayo .( Mūlaṃ kātabbaṃ .) Bhāvanāya pahātabbahetukā khandhā uddhaccasahagatānaṃ khandhānaṃ mohassa ca upanissayapaccayena paccayo .(3)
100. Nabhāvanāya pahātabbahetuko dhammo nabhāvanāya pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – saddhaṃ upanissāya dānaṃ deti … pe … samāpattiṃ uppādeti , diṭṭhiṃ gaṇhāti ;
sīlaṃ … pe … paññaṃ … nabhāvanāya pahātabbahetukaṃ rāgaṃ … dosaṃ … mohaṃ … diṭṭhiṃ … patthanaṃ … kāyikaṃ
T4.383 sukhaṃ … kāyikaṃ dukkhaṃ … pe … senāsanaṃ upanissāya dānaṃ deti … pe … pāṇaṃ hanati … pe … saṅghaṃ bhindati ;saddhā … pe … senāsanaṃ saddhāya … pe … paññāya … nabhāvanāya pahātabbahetukassa rāgassa
M4.80 … dosassa … mohassa … diṭṭhiyā … patthanāya … kāyikassa sukhassa … pe … phalasamāpattiyā upanissayapaccayena paccayo .(1)Nabhāvanāya pahātabbahetuko dhammo bhāvanāya pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – saddhaṃ upanissāya mānaṃ jappeti … pe … saddhā
V4.94 … pe … senāsanaṃ bhāvanāya pahātabbahetukassa rāgassa … dosassa … mohassa … mānassa … patthanāya upanissayapaccayena paccayo .(2)Nabhāvanāya pahātabbahetuko dhammo bhāvanāya pahātabbahetukassa ca nabhāvanāya pahātabbahetukassa ca dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – saddhā … pe … paññā … kāyikaṃ sukhaṃ … pe … senāsanaṃ uddhaccasahagatānaṃ khandhānaṃ mohassa ca upanissayapaccayena paccayo ( ghaṭanūpanissayāpi tīṇipi kātabbā ).(3)
Purejātapaccayādi
101. Nabhāvanāya pahātabbahetuko dhammo nabhāvanāya pahātabbahetukassa dhammassa purejātapaccayena paccayo … tīṇi … pacchājātapaccayena paccayo … tīṇi … āsevanapaccayena paccayo … nava … kammapaccayena paccayo ( nabhāvanāya pahātabbabhājanakāraṇe nānākkhaṇikā labbhati
T4.384 )… pe … novigatapaccayena paccayo .( Saṃkhittaṃ . Yathā dassanena pahātabbahetukadukaṃ evaṃ bhāvanāya pahātabbahetukapaccayāpi paccanīyāpi vibhāgopi gaṇanāpi ninnānākaraṇā .)Nadassanena pahātabbo dhammo nadassanena pahātabbassa dhammassa … pe ….( Parantena sakabhaṇḍachandarāgopi kātabbo .)
Bhāvanāya pahātabbo dhammo nabhāvanāya pahātabbassa dhammassa … pe ….( Parantena ‘‘ sakabhaṇḍachandarāgo ’’ ti kātabbaṃ .)
Bhāvanāyapahātabbahetukadukaṃ niṭṭhitaṃ .