Issues
Editor
Settings
Paṭṭhānapāḷi
Paṭṭhānapāḷi

7. Pañhāvāro

Author： _System_Pali_VRI_ @ Administrator

7. Pañhāvāro

Paccayacatukkaṃ

Ārammaṇapaccayādi

200. Maggahetuko nahetu dhammo maggārammaṇassa nahetussa dhammassaT5.417 ārammaṇapaccayena paccayo .
Maggahetuko nahetu dhammo maggādhipatissa nahetussa dhammassa ārammaṇapaccayena paccayo .
Maggahetuko nahetu dhammo maggārammaṇassa nahetussa ca maggādhipatissa nahetussa ca dhammassa ārammaṇapaccayena paccayo .(3)
Maggādhipati nahetu dhammo maggādhipatissa nahetussa dhammassa ārammaṇapaccayena paccayo .
Maggādhipati nahetu dhammo maggārammaṇassa nahetussa dhammassa ārammaṇapaccayena paccayo .
Maggādhipati nahetu dhammo maggārammaṇassa nahetussa ca maggādhipatissa nahetussa ca dhammassa ārammaṇapaccayena paccayo .(3)
Maggahetuko nahetu ca maggādhipati nahetu ca dhammā maggārammaṇassa nahetussa dhammassa ārammaṇapaccayena paccayo … tīṇi .
201. MaggārammaṇoV4.663 nahetu dhammo maggārammaṇassa nahetussa dhammassa adhipatipaccayena paccayo … tīṇi .
MaggahetukoM4.539 nahetu dhammo maggahetukassa nahetussa dhammassa adhipatipaccayena paccayo .
Maggahetuko nahetu dhammo maggārammaṇassa nahetussa dhammassa adhipatipaccayena paccayo .
Maggahetuko nahetu dhammo maggādhipatissa nahetussa dhammassa adhipatipaccayena paccayo .
Maggahetuko nahetu dhammo maggārammaṇassa nahetussa ca maggādhipatissa nahetussa ca dhammassa adhipatipaccayena paccayo .
Maggahetuko nahetu dhammo maggahetukassa nahetussa ca maggādhipatissa nahetussa ca dhammassa adhipatipaccayena paccayo .(5)
Maggādhipati nahetu dhammo maggādhipatissa nahetussa dhammassa adhipatipaccayena paccayo … pañca .
Maggārammaṇo nahetu ca maggādhipati nahetu ca dhammā maggārammaṇassa nahetussa dhammassa adhipatipaccayena paccayo … tīṇiT5.418 .
Maggahetuko nahetu ca maggādhipati nahetu ca dhammā maggahetukassa nahetussa dhammassa adhipatipaccayena paccayo … pañca .

Anantara-upanissayapaccayā

202. Maggārammaṇo nahetu dhammo maggārammaṇassa nahetussa dhammassa anantarapaccayena paccayo .
Maggārammaṇo nahetu dhammo maggādhipatissa nahetussa dhammassa anantarapaccayena paccayo .
MaggārammaṇoV4.664 nahetu dhammo maggārammaṇassa nahetussa ca maggādhipatissa nahetussa ca dhammassa anantarapaccayena paccayo .(3)
Maggādhipati nahetu dhammo maggādhipatissa nahetussa dhammassa anantarapaccayena paccayo .
Maggādhipati nahetu dhammo maggārammaṇassa nahetussa dhammassa anantarapaccayena paccayo .
Maggādhipati nahetu dhammo maggārammaṇassa nahetussa ca maggādhipatissa nahetussa ca dhammassa anantarapaccayena paccayo .(3)
Maggārammaṇo nahetu ca maggādhipati nahetu ca dhammā maggārammaṇassa nahetussa dhammassa anantarapaccayena paccayo … tīṇi … pe ….
203. Maggārammaṇo nahetu dhammo maggārammaṇassa nahetussa dhammassa upanissayapaccayena paccayo … tīṇi .
MaggahetukoM4.540 nahetu dhammo maggahetukassa nahetussa dhammassa upanissayapaccayena paccayo … pañca .
Maggādhipati nahetu dhammo maggādhipatissa nahetussa dhammassa upanissayapaccayena paccayo … pañca .
Maggārammaṇo nahetu ca maggādhipati nahetu ca dhammā maggārammaṇassa nahetussaT5.419 dhammassa upanissayapaccayena paccayo … tīṇi .
Maggahetuko nahetu ca maggādhipati nahetu ca dhammā maggahetukassa nahetussa dhammassa upanissayapaccayena paccayo … pañca ( saṃkhittaṃ ).
204. Ārammaṇe nava , adhipatiyā ekavīsa , anantare nava , samanantare nava , sahajāte sattarasa , aññamaññe sattarasa , nissaye sattarasa , upanissaye ekavīsa … pe … avigate sattarasa ( saṃkhittaṃ ).
Nahetuyā ekavīsa , naārammaṇe sattarasa ( saṃkhittaṃ ).
Ārammaṇapaccayā nahetuyā nava ( saṃkhittaṃ ).
Nahetupaccayā ārammaṇe nava ( saṃkhittaṃ ).
( Yathā kusalattike pañhāvāraṃ , evaṃ vitthāretabbaṃ .)