Paccanīyuddhāro
294. Arūpāvacaro dhammo arūpāvacarassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo .
Arūpāvacaro dhammo naarūpāvacarassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … pacchājātapaccayena paccayo .
Arūpāvacaro dhammo arūpāvacarassa ca naarūpāvacarassa ca dhammassa sahajātapaccayena paccayo .(3)
295. Naarūpāvacaro dhammo naarūpāvacarassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .
Naarūpāvacaro dhammo arūpāvacarassa dhammassa upanissayapaccayena paccayo … purejātapaccayena paccayo .(2)
Arūpāvacaro
V4.198 ca naarūpāvacaro ca dhammā arūpāvacarassa dhammassa sahajātaṃ , purejātaṃ .Arūpāvacaro ca naarūpāvacaro ca dhammā naarūpāvacarassa dhammassa sahajātaṃ , pacchājātaṃ , āhāraṃ , indriyaṃ .(2)