Issues
Editor
Settings
Paṭṭhānapāḷi
Paṭṭhānapāḷi

7. Pañhāvāro

Author： _System_Pali_VRI_ @ Administrator

7. Pañhāvāro

Paccayacatukkaṃ

Hetuārammaṇapaccayādi

6. KusaloV4.579 hetu dhammo kusalassa hetussa dhammassa hetupaccayena paccayo .(1)
Akusalo hetu dhammo akusalassa hetussa dhammassa hetupaccayena paccayo .(1)
Abyākato hetu dhammo abyākatassa hetussa dhammassa hetupaccayena paccayo .(1)
7. Kusalo hetu dhammo kusalassa hetussa dhammassa ārammaṇapaccayena paccayo .
Kusalo hetu dhammo akusalassa hetussa dhammassaM4.469 ārammaṇapaccayena paccayo .
Kusalo hetu dhammo abyākatassa hetussa dhammassa ārammaṇapaccayena paccayo .(3)
Akusalo hetu dhammo akusalassa hetussa dhammassa ārammaṇapaccayena paccayo … tīṇi .
Abyākato hetu dhammo abyākatassa hetussa dhammassa ārammaṇapaccayena paccayo … tīṇi .
8. KusaloT5.337 hetu dhammo kusalassa hetussa dhammassa adhipatipaccayena paccayo .
Kusalo hetu dhammo akusalassa hetussa dhammassa adhipatipaccayena paccayo .
Kusalo hetu dhammo abyākatassa hetussa dhammassa adhipatipaccayena paccayo … tīṇi .
Akusalo hetu dhammo akusalassa hetussa dhammassa adhipatipaccayena paccayo .(1)
Abyākato hetu dhammo abyākatassa hetussa dhammassa adhipatipaccayena paccayo .
Abyākato hetu dhammo kusalassa hetussa dhammassa adhipatipaccayena paccayo .
Abyākato hetu dhammo akusalassa hetussa dhammassa adhipatipaccayena paccayo … tīṇi .

Anantarapaccayādi

9. KusaloV4.580 hetu dhammo kusalassa hetussa dhammassa anantarapaccayena paccayo … dve .
Akusalo hetu dhammo akusalassa hetussa dhammassa anantarapaccayena paccayo … dve .
Abyākato hetu dhammo abyākatassa hetussa dhammassa anantarapaccayena paccayo (1)
10. Kusalo hetu dhammo kusalassa hetussa dhammassa sahajātapaccayena paccayo .(1)
Akusalo hetu dhammo akusalassa hetussa dhammassa sahajātapaccayena paccayo .(1)
AbyākatoM4.470 hetu dhammo abyākatassa hetussa dhammassa sahajātapaccayena paccayo .(1)
( Aññamaññanissayapaccayā sahajātapaccayasadisā ).

Upanissayapaccayādi

11. Kusalo hetu dhammo kusalassa hetussa dhammassa upanissayapaccayena paccayo .
Kusalo hetu dhammo akusalassa hetussa dhammassa upanissayapaccayena paccayo .
Kusalo hetu dhammo abyākatassaT5.338 hetussa dhammassa upanissayapaccayena paccayo .(3)
Akusalo hetu dhammo akusalassa hetussa dhammassa upanissayapaccayena paccayo .
Akusalo hetu dhammo kusalassa hetussa dhammassa upanissayapaccayena paccayo .
Akusalo hetu dhammo abyākatassa hetussa dhammassa upanissayapaccayena paccayo … tīṇi .(3)
Abyākato hetu dhammo abyākatassa hetussa dhammassa upanissayapaccayena paccayo .
Abyākato hetu dhammo kusalassa hetussa dhammassa upanissayapaccayena paccayo .
Abyākato hetu dhammo akusalassa hetussa dhammassa upanissayapaccayena paccayo .(3)
AbyākatoV4.581 hetu dhammo abyākatassa hetussa dhammassa vipākapaccayena paccayo .(1)( Saṃkhittaṃ .
)
12. Hetuyā tīṇi , ārammaṇe nava , adhipatiyā satta , anantare pañca , samanantare pañca , sahajāte tīṇi , aññamaññe tīṇi , nissaye tīṇi , upanissaye nava , āsevane tīṇi , vipāke ekaṃ , indriye dve , magge dve , sampayutte tīṇi , atthiyā tīṇi , natthiyā pañca , vigate pañca , avigate tīṇi ( saṃkhittaṃ ).

Paccanīyuddhāro

13. Kusalo hetu dhammo kusalassa hetussa dhammassa ārammaṇapaccayena paccayo … sahajātapaccayena paccayo … upanissayapaccayena paccayo .
Kusalo hetu dhammo akusalassa hetussa dhammassa ārammaṇapaccayena paccayo … upanissayapaccayena paccayo .
KusaloM4.471 hetuT5.339 dhammo abyākatassa hetussa dhammassa ārammaṇapaccayena paccayo … upanissayapaccayena paccayo .(3)
Akusalo hetu dhammo akusalassa hetussa dhammassa ārammaṇapaccayena paccayo … sahajātapaccayena paccayo … upanissayapaccayena paccayo .
Akusalo hetu dhammo kusalassa hetussa dhammassa ārammaṇapaccayena paccayo … upanissayapaccayena paccayo .
Akusalo hetu dhammo abyākatassa hetussa dhammassa ārammaṇapaccayena paccayo … upanissayapaccayena paccayo .(3)
Abyākato hetu dhammo abyākatassa hetussa dhammassa ārammaṇapaccayena paccayo … sahajātapaccayena paccayo … upanissayapaccayena paccayo ( saṃkhittaṃ ).
14. Nahetuyā nava , naārammaṇe nava ( saṃkhittaṃ ).
Hetupaccayā naārammaṇe tīṇi ( saṃkhittaṃ ).
NahetupaccayāV4.582 ārammaṇe nava ( saṃkhittaṃ ).
( Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ , evaṃ gaṇetabbaṃ .)