Issues
Editor
Settings
Paṭṭhānapāḷi
Paṭṭhānapāḷi

1-7.

Author： _System_Pali_VRI_ @ Administrator

1-7.
Paṭiccavārādi

Paccayacatukkaṃ

Hetupaccayo

1. AkusalaṃV4.714 āsavaṃ dhammaṃ paṭicca akusalo āsavo dhammo uppajjati hetupaccayā ( saṃkhittaṃ ).
Hetuyā ekaṃ … pe … avigate ekaṃ ( saṃkhittaṃ ).
( Sahajātavārepi … pe … sampayuttavārepi pañhāvārepi sabbattha ekaṃ ).
2. Kusalaṃ noāsavaṃ dhammaṃ paṭicca kusalo noāsavo dhammo uppajjati hetupaccayā .
Kusalaṃ noāsavaṃ dhammaṃ paṭicca abyākato noāsavo dhammo uppajjati hetupaccayā .
Kusalaṃ noāsavaṃ dhammaṃ paṭicca kusalo noāsavo ca abyākato noāsavo ca dhammā uppajjanti hetupaccayā .(3)
Akusalaṃ noāsavaṃ dhammaṃ paṭicca akusalo noāsavo dhammo uppajjati hetupaccayā … tīṇi .
Abyākataṃ noāsavaṃ dhammaṃ paṭicca abyākato noāsavo dhammo uppajjati hetupaccayā .(1)
Kusalaṃ noāsavañca abyākataṃ noāsavañca dhammaṃ paṭicca abyākato noāsavo dhammo uppajjati hetupaccayā .(1)
AkusalaṃT5.462 noāsavañca abyākataṃ noāsavañca dhammaṃ paṭicca abyākato noāsavo dhammo uppajjati hetupaccayā .(1)

Ārammaṇapaccayo

3. KusalaṃV4.715 noāsavaṃ dhammaṃ paṭicca kusalo noāsavo dhammo uppajjati ārammaṇapaccayā .(1)
AkusalaṃM4.579 noāsavaṃ dhammaṃ paṭicca akusalo noāsavo dhammo uppajjati ārammaṇapaccayā .(1)
Abyākataṃ noāsavaṃ dhammaṃ paṭicca abyākato noāsavo dhammo uppajjati ārammaṇapaccayā .(1)( Saṃkhittaṃ .
)
4. Hetuyā nava , ārammaṇe tīṇi , adhipatiyā nava … pe … avigate nava ( saṃkhittaṃ ).
Nahetuyā ekaṃ , naārammaṇe pañca , naadhipatiyā nava … pe … novigate pañca ( saṃkhittaṃ . Sahajātavārampi … pe … sampayuttavārampi paṭiccavārasadisaṃ ).

Hetu-ārammaṇapaccayā

5. Kusalo noāsavo dhammo kusalassa noāsavassa dhammassa hetupaccayena paccayo … tīṇi .
Akusalo noāsavo dhammo akusalassa noāsavassa dhammassa hetupaccayena paccayo … tīṇi .
Abyākato noāsavo dhammo abyākatassa noāsavassa dhammassa hetupaccayena paccayo .(1)
Kusalo noāsavo dhammo kusalassa noāsavassa dhammassa ārammaṇapaccayena paccayo ( saṃkhittaṃ ).
6. HetuyāV4.716 satta , ārammaṇe nava , adhipatiyā dasa … pe … avigate terasa ( saṃkhittaṃ . YathāT5.463 kusalattike pañhāvāraṃ , evaṃ vitthāretabbaṃ ).