Upanissayapaccayo
78. Dassanena pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – dassanena pahātabbahetukā khandhā dassanena pahātabbahetukānaṃ khandhānaṃ upanissayapaccayena paccayo .( Avasesesu dvīsu anantarūpanissayo , pakatūpanissayo
V4.84 .)( Mūlaṃ kātabbaṃ .) Dassanena pahātabbahetukā khandhā nadassanena pahātabbahetukānaṃ khandhānaṃ mohassa ca upanissayapaccayena paccayo .( Mūlaṃ kātabbaṃ .) Dassanena pahātabbahetukā khandhā vicikicchāsahagatānaṃ khandhānaṃ mohassa ca upanissayapaccayena paccayo .(3)
79. Nadassanena pahātabbahetuko dhammo nadassanena pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – saddhaṃ upanissāya dānaṃ deti … pe … samāpattiṃ uppādeti mānaṃ jappeti ;
sīlaṃ
M4.71 … pe … paññaṃ … nadassanena pahātabbahetukaṃ rāgaṃ … dosaṃ … mohaṃ … mānaṃ … patthanaṃ … kāyikaṃ sukhaṃ … kāyikaṃ dukkhaṃ … utuṃ … bhojanaṃ … senāsanaṃ upanissāya dānaṃ deti … pe … samāpattiṃ uppādeti ;saddhā … pe … senāsanaṃ saddhāya … pe … paññāya nadassanena pahātabbahetukassa
T4.372 rāgassa … pe … patthanāya phalasamāpattiyā upanissayapaccayena paccayo .(1)Nadassanena pahātabbahetuko dhammo dassanena pahātabbahetukassa dhammassa upanissayapaccayena paccayo – ārammaṇūpanissayo , anantarūpanissayo , pakatūpanissayo … pe ….
Pakatūpanissayo – saddhaṃ upanissāya diṭṭhiṃ gaṇhāti ;
sīlaṃ … pe … paññaṃ … nadassanena pahātabbahetukaṃ rāgaṃ … dosaṃ … mohaṃ … mānaṃ … patthanaṃ … kāyikaṃ sukhaṃ … kāyikaṃ dukkhaṃ … utuṃ … bhojanaṃ … senāsanaṃ upanissāya pāṇaṃ hanati … pe … saṅghaṃ bhindati ;
saddhā … pe … senāsanaṃ dassanena pahātabbahetukassa rāgassa … dosassa … mohassa … diṭṭhiyā … patthanāya upanissayapaccayena paccayo .(2)
Nadassanena pahātabbahetuko dhammo dassanena pahātabbahetukassa ca nadassanena pahātabbahetukassa ca dhammassa upanissayapaccayena paccayo – anantarūpanissayo , pakatūpanissayo … pe ….
Pakatūpanissayo – saddhā … pe … paññā , nadassanena pahātabbahetuko rāgo … doso … moho … māno … patthanā … kāyikaṃ sukhaṃ … pe … senāsanaṃ , vicikicchāsahagatānaṃ khandhānaṃ mohassa ca upanissayapaccayena paccayo .(3)
80. Dassanena
V4.85 pahātabbahetuko ca nadassanena pahātabbahetuko ca dhammā dassanena pahātabbahetukassa dhammassa upanissayapaccayena paccayo – anantarūpanissayo , pakatūpanissayo … pe ….Pakatūpanissayo – vicikicchāsahagatā khandhā ca moho ca dassanena pahātabbahetukānaṃ khandhānaṃ upanissayapaccayena paccayo .( Mūlaṃ kātabbaṃ .) Vicikicchāsahagatā khandhā ca moho
T4.373 ca nadassanena pahātabbahetukānaṃ khandhānaṃ mohassa ca upanissayapaccayena paccayo .( Mūlaṃ kātabbaṃ .) Vicikicchāsahagatā khandhā ca moho ca vicikicchāsahagatānaṃ khandhānaṃ mohassa ca upanissayapaccayena paccayo .(3)