Issues
Editor
Settings
Paṭṭhānapāḷi
Paṭṭhānapāḷi

2. Paccanīyuddhāro

Author： _System_Pali_VRI_ @ Administrator

2. Paccanīyuddhāro

340. NiyatoV4.217 dhammo niyatassa dhammassa sahajātapaccayena paccayo … upanissayapaccayena paccayo .
Niyato dhammo aniyatassa dhammassa ārammaṇapaccayenaM4.185 paccayo … sahajātapaccayena paccayo … upanissayapaccayena paccayo … pacchājātapaccayena paccayo … kammapaccayena paccayo .
Niyato dhammo niyatassa ca aniyatassa ca dhammassa sahajātapaccayena paccayo .(3)
341. Aniyato dhammo aniyatassa dhammassa ārammaṇapaccayena paccayo … sahajātapaccayena paccayo … upanissayapaccayena paccayo … purejātapaccayena paccayo … pacchājātapaccayena paccayo … kammapaccayena paccayo … āhārapaccayena paccayo … indriyapaccayena paccayo .
Aniyato dhammo niyatassa dhammassa ārammaṇapaccayena paccayo … upanissayapaccayena paccayo … purejātapaccayena paccayo .(2)
NiyatoT4.519 ca aniyato ca dhammā niyatassa dhammassa sahajātaṃ , purejātaṃ .
Niyato ca aniyato ca dhammā aniyatassa dhammassa sahajātaṃ , pacchājātaṃ , āhāraṃ , indriyaṃ .(2)