Ārammaṇapaccayo
280. Arūpāvacaro dhammo arūpāvacarassa dhammassa ārammaṇapaccayena paccayo – ākāsānañcāyatanaṃ viññāṇañcāyatanassa ārammaṇapaccayena paccayo ;
ākiñcaññāyatanaṃ nevasaññānāsaññāyatanassa ārammaṇapaccayena paccayo .
Arūpāvacaro dhammo naarūpāvacarassa dhammassa ārammaṇapaccayena paccayo – ākāsānañcāyatanaṃ paccavekkhati , viññāṇañcāyatanaṃ … pe … ākiñcaññāyatanaṃ … pe … nevasaññānāsaññāyatanaṃ paccavekkhati , arūpāvacare khandhe aniccato … pe … domanassaṃ uppajjati ;
cetopariyañāṇena arūpāvacaracittasamaṅgissa cittaṃ jānāti , arūpāvacarā khandhā cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(2)
Naarūpāvacaro dhammo naarūpāvacarassa
T4.490 dhammassa ārammaṇapaccayena paccayo – dānaṃ … pe … sīlaṃ … pe … uposathakammaṃ katvā taṃ paccavekkhati assādeti abhinandati , taṃ ārabbha rāgo … pe … domanassaṃ uppajjati ;pubbe suciṇṇāni … pe … jhānā … pe … ariyā maggā vuṭṭhahitvā maggaṃ paccavekkhanti , phalaṃ paccavekkhanti
M4.163 , nibbānaṃ paccavekkhanti , nibbānaṃ gotrabhussa , vodānassa , maggassa , phalassa , āvajjanāya ārammaṇapaccayena paccayo ;ariyā pahīne kilese paccavekkhanti , vikkhambhite kilese … pe … pubbe … pe … cakkhuṃ … pe … vatthuṃ naarūpāvacare khandhe aniccato … pe … domanassaṃ uppajjati , dibbena cakkhunā rūpaṃ passati , dibbāya sotadhātuyā saddaṃ suṇāti , cetopariyañāṇena naarūpāvacaracittasamaṅgissa cittaṃ jānāti , rūpāyatanaṃ cakkhuviññāṇassa … pe … phoṭṭhabbāyatanaṃ
V4.192 kāyaviññāṇassa … pe … naarūpāvacarā khandhā iddhividhañāṇassa , cetopariyañāṇassa , pubbenivāsānussatiñāṇassa , yathākammūpagañāṇassa , anāgataṃsañāṇassa , āvajjanāya ārammaṇapaccayena paccayo .(1)