Purejātapaccayādi
287. Naarūpāvacaro dhammo naarūpāvacarassa dhammassa purejātapaccayena paccayo – ārammaṇapurejātaṃ , vatthupurejātaṃ .
Ārammaṇapurejātaṃ – cakkhuṃ … pe … vatthuṃ aniccato … pe … domanassaṃ uppajjati ;
dibbena cakkhunā rūpaṃ passati , dibbāya sotadhātuyā saddaṃ suṇāti , rūpāyatanaṃ cakkhuviññāṇassa … pe … phoṭṭhabbāyatanaṃ kāyaviññāṇassa … pe ….
Vatthupurejātaṃ – cakkhāyatanaṃ
M4.166V4.195 cakkhuviññāṇassa … pe … kāyāyatanaṃ kāyaviññāṇassa … pe … vatthu naarūpāvacarānaṃ khandhānaṃ purejātapaccayena paccayo .Naarūpāvacaro dhammo arūpāvacarassa dhammassa purejātapaccayena paccayo .
Vatthupurejātaṃ – vatthu arūpāvacarānaṃ khandhānaṃ purejātapaccayena paccayo .(2)
Pacchājātapaccayena paccayo … dve … āsevanapaccayena paccayo … tīṇi .