Ārammaṇapaccayo
76. Kileso ceva saṃkilesiko ca dhammo kilesassa ceva saṃkilesikassa ca dhammassa ārammaṇapaccayena paccayo – kilese ārabbha kilesā uppajjanti .( Mūlaṃ kātabbaṃ .) Kilese ārabbha saṃkilesikā ceva no ca kilesā khandhā uppajjanti .( Mūlaṃ kātabbaṃ .) Kilese ārabbha kilesā ca sampayuttakā ca khandhā uppajjanti .(3)
77. Saṃkilesiko ceva no ca kileso dhammo saṃkilesikassa ceva no ca kilesassa dhammassa ārammaṇapaccayena paccayo – dānaṃ … pe … sīlaṃ … pe … uposathakammaṃ … pe … pubbe suciṇṇāni … pe … jhānā vuṭṭhahitvā jhānaṃ paccavekkhati , assādeti abhinandati , taṃ ārabbha rāgo uppajjati … pe … uddhaccaṃ uppajjati , jhāne parihīne
T4.325 vippaṭisārissa domanassaṃ uppajjati ;ariyā gotrabhuṃ paccavekkhanti , vodānaṃ paccavekkhanti , cakkhuṃ … pe … vatthuṃ saṃkilesike ceva no ca kilese khandhe aniccato … pe … domanassaṃ uppajjati ;
dibbena cakkhunā
V4.37 rūpaṃ passati … pe … āvajjanāya ārammaṇapaccayena paccayo ( itare dve kilesadukasadisā , ghaṭanārammaṇāpi kilesadukasadisā ).