Kammapaccayādi
255. Rūpāvacaro
T4.479 dhammo rūpāvacarassa dhammassa kammapaccayena paccayo – sahajātā , nānākkhaṇikā .Sahajātā – rūpāvacarā cetanā sampayuttakānaṃ khandhānaṃ kammapaccayena paccayo ;
paṭisandhikkhaṇe … pe ….
Nānākkhaṇikā – rūpāvacarā cetanā vipākānaṃ rūpāvacarānaṃ khandhānaṃ kammapaccayena paccayo .
Rūpāvacaro dhammo narūpāvacarassa dhammassa kammapaccayena paccayo – sahajātā , nānākkhaṇikā .
Sahajātā – rūpāvacarā cetanā cittasamuṭṭhānānaṃ rūpānaṃ kammapaccayena
V4.180 paccayo ;paṭisandhikkhaṇe … pe ….
Nānākkhaṇikā – rūpāvacarā cetanā kaṭattārūpānaṃ kammapaccayena paccayo .
Rūpāvacaro dhammo rūpāvacarassa ca narūpāvacarassa ca dhammassa kammapaccayena paccayo – sahajātā , nānākkhaṇikā .
Sahajātā – rūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo ;
paṭisandhikkhaṇe … pe ….
Nānākkhaṇikā – rūpāvacarā cetanā vipākānaṃ rūpāvacarānaṃ khandhānaṃ kaṭattā ca rūpānaṃ kammapaccayena paccayo .(3)
Narūpāvacaro dhammo narūpāvacarassa dhammassa kammapaccayena paccayo – sahajātā , nānākkhaṇikā .
Sahajātā – narūpāvacarā cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo ;
paṭisandhikkhaṇe … pe ….
Nānākkhaṇikā – narūpāvacarā cetanā vipākānaṃ narūpāvacarānaṃ khandhānaṃ kaṭattā ca rūpānaṃ kammapaccayena paccayo ….(1)
Vipākapaccayena
M4.154 paccayo … cattāri … āhārapaccayena paccayo … cattāri … indriyapaccayena paccayo … cattāri … jhānapaccayena paccayo … cattāri … maggapaccayenaT4.480 paccayo … cattāri … sampayuttapaccayena paccayo … dve .