7. Suddhikasuttavaṇṇanā
193. Sattame
P1.231 suddhikabhāradvājoti ayampi bhāradvājova , suddhikapañhassa pana pucchitattāV1.204 saṅgītikārehi evaṃ vutto .Sīlavāpi tapokaran ti sīlasampannopi tapokammaṃ karonto .
Vijjācaraṇasampannoti ettha vijjāti tayo vedā .
Caraṇan ti gottacaraṇaṃ .
So sujjhati na aññā itarā pajāti so tevijjo brāhmaṇo sujjhati , ayaṃ pana aññā nāmikā
M1.212 pajā na sujjhatīti vadati .Bahumpi palapaṃ jappan ti bahumpi palapaṃ jappanto ,‘‘ brāhmaṇova sujjhatī ’’ ti evaṃ vacanasahassampi bhaṇantoti attho .
Antokasambūti anto kilesapūtisabhāvena pūtiko .
Saṃkiliṭṭhoti kiliṭṭhehi kāyakammādīhi samannāgato .
Sattamaṃ .