Rūpāvacaracittaṃ
21. Vitakkavicārapītisukhekaggatāsahitaṃ paṭhamajjhānakusalacittaṃ , vicārapītisukhekaggatāsahitaṃ dutiyajjhānakusalacittaṃ , pītisukhekaggatāsahitaṃ tatiyajjhānakusalacittaṃ , sukhekaggatāsahitaṃ catutthajjhānakusalacittaṃ , upekkhekaggatāsahitaṃ pañcamajjhānakusalacittañceti imāni pañcapi rūpāvacarakusalacittāni nāma .
22. Vitakkavicārapītisukhekaggatāsahitaṃ paṭhamajjhānavipākacittaṃ , vicārapītisukhekaggatāsahitaṃ dutiyajjhānavipākacittaṃ , pītisukhekaggatāsahitaṃ tatiyajjhānavipākacittaṃ , sukhekaggatāsahitaṃ
V0.5 catutthajjhānavipākacittaṃ , upekkhekaggatāsahitaṃ pañcamajjhānavipākacittañceti imāni pañcapi rūpāvacaravipākacittāni nāma . 23. Vitakkavicārapītisukhekaggatāsahitaṃ paṭhamajjhānakiriyacittaṃ , vicārapītisukhekaggatāsahitaṃ dutiyajjhānakiriyacittaṃ , pītisukhekaggatāsahitaṃ tatiyajjhānakiriyacittaṃ
M0.5 , sukhekaggatāsahitaṃ catutthajjhānakiriyacittaṃ , upekkhekaggatāsahitaṃ pañcamajjhānakiriyacittañceti imāni pañcapi rūpāvacarakiriyacittāni nāma . 24. Iccevaṃ sabbathāpi pannarasa rūpāvacarakusalavipākakiriyacittāni samattāni .
25. Pañcadhā jhānabhedena , rūpāvacaramānasaṃ .
Puññapākakriyābhedā , taṃ pañcadasadhā bhave .