Pabbājanīyakammakathā
21. Assajipunabbasukavatthu saṅghādisesavaṇṇanāyaṃ vuttaṃ .
27. Kāyikena davenātiādīsu panettha kāyiko davo nāma kāyakīḷā vuccati .
Sesapadadvayepi eseva nayo .
Kāyiko anācāro nāma kāyadvāre paññattasikkhāpadavītikkamo vuccati
V0.4 .Sesadvayepi eseva nayo .
Kāyikaṃ upaghātikaṃ nāma kāyadvāre paññattasikkhāpadassa asikkhanabhāvena upahananaṃ vuccati ;
nāsanaṃ vināsananti attho .
Sesadvayepi
P6.1158 eseva nayo .Kāyiko micchājīvo nāma paṭikkhittavejjakammādivasena telapacanaariṭṭhapacanādīni .
Vācasiko micchājīvo nāma gihīnaṃ sāsanasampaṭicchanārocanādīni .
Kāyikavācasiko nāma tadubhayaṃ .
Sesaṃ tajjanīye vuttanayameva .
Pabbājanīyakammakathā niṭṭhitā .