10. Sīhanādasuttavaṇṇanā
64. Dasame āsabhaṃ ṭhānan ti seṭṭhaṃ niccalaṭṭhānaṃ .
Sīhanādan ti
P3.409 abhītanādaṃ pamukhanādaṃ .
Brahmacakkan ti seṭṭhañāṇacakkaṃ paṭivedhañāṇañceva desanāñāṇañca .Ṭhānañca ṭhānatoti kāraṇañca kāraṇato .
Yampīti yena ñāṇena .
Idampi tathāgatassāti idampi ṭhānāṭṭhānañāṇaṃ tathāgatassa tathāgatabalaṃ nāma hoti .
Evaṃ sabbapadesu attho veditabbo .
Kammasamādānānan ti samādiyitvā katānaṃ kusalākusalakammānaṃ , kammameva vā kammasamādānaṃ .
Ṭhānaso hetusoti paccayato ceva hetuto
V3.138 ca .
Tattha gatiupadhikālapayogā vipākassa ṭhānaṃ , kammaṃ hetu .Evaṃ sabbapadesu attho veditabbo .
Jhānavimokkhasamādhisamāpattīnan ti catunnaṃ jhānānaṃ aṭṭhannaṃ vimokkhānaṃ tiṇṇaṃ samādhīnaṃ navannaṃ anupubbasamāpattīnañca .
Saṃkilesan ti hānabhāgiyaṃ dhammaṃ .
Vodānan ti visesabhāgiyaṃ dhammaṃ .
Vuṭṭhānan ti ‘‘ vodānampi vuṭṭhānaṃ , tamhā tamhā samādhimhā vuṭṭhānampi vuṭṭhānan ’’ ti ( vibha .828) evaṃ vuttaṃ paguṇajjhānañceva bhavaṅganaphalasamāpattiyo ca .
Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti , tasmā ‘‘ vodānampi vuṭṭhānan ’’ ti vuttaṃ .
Bhavaṅgena pana
M3.137 sabbajjhānehi vuṭṭhānaṃ hoti , phalasamāpattiyā nirodhasamāpattito vuṭṭhānaṃ hoti .
Taṃ sandhāya ‘‘ tamhā tamhā samādhimhā vuṭṭhānampi vuṭṭhānan ’’ ti vuttaṃ .Evaṃ sabbapadesu attho veditabbo .
Anekavihitan tiādīni visuddhimagge ( visuddhi .2.402) vaṇṇitāni .
Anekavihitan tiādīni visuddhimagge ( visuddhi .2.402) vaṇṇitāni .
Evaṃ sabbapadesu attho veditabbo .
Āsavakkhayañāṇaṃ heṭṭhā vuttatthameva .
Evaṃ sabbapadesu attho veditabbo .
Āsavakkhayañāṇaṃ heṭṭhā vuttatthameva .
Evaṃ sabbapadesu attho veditabbo .
Imasmiṃ sutte tathāgatassa ñāṇabalaṃ kathitanti .
Samāhitassāti
P3.410 ekaggacittassa .
Samādhi maggoti samādhi etesaṃ ñāṇānaṃ adhigamāya upāyo .
Asamādhīti anekaggabhāvo .
Kummaggoti micchāmaggo .Mahāvaggo chaṭṭho .