21-22.

TatiyassaV3.102P3.353 paṭhame sāmagāmaketi sāmakānaṃ ussannattā evaṃladdhanāme gāmake . Pokkharaṇiyāyan ti pokkharaṇiyānāmake vihāre . Abhikkantāya rattiyāti rattiyā paṭhamayāmaṃ atikkamma majjhimayāme sampatte . Abhikkantavaṇṇāti abhikkantaatimanāpavaṇṇā . Kevalakappan ti sakalakappaṃ . Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā . Samanuññoti samānaanuñño samānacitto . Dovacassatāti dubbacabhāvo . Pāpamittatāti lāmakamittatāM3.100 . Imasmiṃ sutte parihāniyadhammāva kathitā . Dutiye aparihāniyadhammā lokuttaramissakā kathitā .