10. Khattiyasuttavaṇṇanā
52. Dasame bhogādhippāyāti bhogasaṃharaṇatthaṃ ṭhapitādhippāyā pavattaajjhāsayā .
Paññūpavicārāti paññavanto bhaveyyāmāti evaṃ paññatthāya pavattūpavicārā .
Ayameva nesaṃ vicāro citte upavicarati .
Balādhiṭṭhānāti
P3.383 balakāyādhiṭṭhānā .
Balakāyañhi laddhā te laddhapatiṭṭhā nāma honti .
Pathavibhinivesāti pathavisāmino bhavissāmāti evaṃ pathaviatthāya katacittābhinivesā .
Issariyapariyosānāti rajjābhisekapariyosānā .
Abhisekañhi patvā te pariyosānappattā nāma honti .
Iminā nayena sabbattha attho veditabbo .Sesapadesu panettha ayamadhippāyo – brāhmaṇā tāva mante labhitvā laddhapatiṭṭhā nāma honti , gahapatikā yaṃkiñci sippaṃ , itthī kuladāyajjasāmikaṃ puttaṃ , corā yaṃkiñci āvudhasatthaṃ
V3.122 , samaṇā sīlaparipuṇṇā laddhapatiṭṭhā nāma honti .
Tasmā mantādhiṭṭhānātiādīni vuttāni .
Brāhmaṇānañca ‘‘ yaññaṃ yajissāmā ’’ ti cittaṃ abhinivisati , brahmaloke patte pariyosānappattā nāma honti .
Tasmā te yaññābhinivesā brahmalokapariyosānāti vuttā .Kammantakaraṇatthāya mano etesaṃ abhinivisatīti kammantābhinivesā .
Kamme niṭṭhite pariyosānappattā nāma hontīti niṭṭhitakammantapariyosānā .
Purisādhippāyāti purisesu pavattaajjhāsayā .
Alaṅkāratthāya mano upavicarati etissāti alaṅkārūpavicārā .
Asapattī hutvā ekikāva
M3.120 ghare vaseyyanti evamassā cittaṃ abhinivisatīti asapattībhinivesā .
Gharāvāsissariye laddhe pariyosānappattā nāma hontīti issariyapariyosānā .Parabhaṇḍassa
P3.384 ādāne adhippāyo etesanti ādānādhippāyā .
Gahane nilīyanaṭṭhāne etesaṃ mano upavicaratīti gahanūpavicārā .
Andhakāratthāya etesaṃ cittaṃ abhinivisatīti andhakārābhinivesā .
Adassanappattā pariyosānappattā hontīti adassanapariyosānā .Adhivāsanakkhantiyañca sucibhāvasīle ca adhippāyo etesanti khantisoraccādhippāyā .
Akiñcanabhāve niggahaṇabhāve cittaṃ etesaṃ abhinivisatīti ākiñcaññābhinivesā .
Nibbānappattā pariyosānappattā hontīti nibbānapariyosānā .