3. Chaḷabhijātisuttavaṇṇanā
57. Tatiye chaḷabhijātiyoti cha jātiyo .
Tatridan ti tatrāyaṃ .
Luddāti dāruṇā .
Bhikkhū
P3.394 kaṇṭakavuttikāti samaṇā nāmete .Ekasāṭakāti ekeneva pilotikakhaṇḍena purato paṭicchādanakā .
Akāmakassa bilaṃ olaggeyyun ti satthe gacchamāne goṇamhi mate gomaṃsamūlaṃ uppādanatthāya vibhajitvā khādamānā ekassa gomaṃsaṃ anicchantasseva koṭṭhāsaṃ katvā ‘‘ ayañca te khāditabbo , mūlañca dātabban ’’ ti taṃ koṭṭhāsasaṅkhātaṃ bilaṃ olaggeyyuṃ , balakkārena hatthe ṭhapeyyunti attho .
Akhettaññunāti abhijātipaññattiyā khettaṃ ajānantena .
Taṃ suṇāhīti taṃ mama paññattiṃ suṇāhi .
Kaṇhābhijātikoti kāḷakajātiko .
Kaṇhaṃ dhammaṃ abhijāyatīti kaṇhasabhāvo hutvā jāyati nibbattati , kaṇhābhijātiyaṃ vā jāyati .
Nibbānaṃ
V3.129M3.127 abhijāyatīti nibbānaṃ pāpuṇāti , ariyabhūmisaṅkhātāya vā nibbānajātiyā jāyati .