( Ṅa ) paccanīkaokāso
195.( Ka ) yattha kusalā dhammā na uppajjissanti tattha akusalā dhammā na nirujjhissantīti ?
Āmantā .
( Kha ) yattha vā pana akusalā dhammā na nirujjhissanti tattha kusalā dhammā na uppajjissantīti ?
Āmantā .
( Ka ) yattha kusalā dhammā na uppajjissanti tattha abyākatā dhammā na nirujjhissantīti ?
Nirujjhissanti .
( Kha ) yattha vā pana abyākatā dhammā na nirujjhissanti tattha kusalā dhammā na uppajjissantīti ?
Natthi .
196.( Ka ) yattha akusalā dhammā na uppajjissanti tattha abyākatā dhammā na nirujjhissantīti ?
Nirujjhissanti .
( Kha ) yattha vā pana abyākatā dhammā na nirujjhissanti tattha akusalā dhammā na uppajjissantīti ?
Natthi .