(6) Atītānāgatavāro
( Ka ) anulomapuggalo
153.( Ka ) yassa
V3.68M3.48 kusalā dhammā nirujjhittha tassa akusalā dhammā nirujjhissantīti ?Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ kusalā dhammā nirujjhittha , no ca tesaṃ akusalā dhammā nirujjhissanti .
Itaresaṃ tesaṃ kusalā ca dhammā nirujjhittha akusalā ca dhammā nirujjhissanti .
( Kha ) yassa vā pana akusalā dhammā nirujjhissanti tassa kusalā dhammā nirujjhitthāti ?
Āmantā .
( Ka ) yassa kusalā dhammā nirujjhittha tassa abyākatā dhammā nirujjhissantīti ?
Pacchimacittassa bhaṅgakkhaṇe tesaṃ kusalā dhammā nirujjhittha , no ca tesaṃ abyākatā dhammā nirujjhissanti .
Itaresaṃ tesaṃ kusalā ca dhammā nirujjhittha abyākatā ca dhammā nirujjhissanti .
( Kha ) yassa vā pana abyākatā dhammā nirujjhissanti tassa kusalā dhammā nirujjhitthāti ?
Āmantā .
154.( Ka ) yassa
T2.100 akusalā dhammā nirujjhittha tassa abyākatā dhammā nirujjhissantīti ?Pacchimacittassa bhaṅgakkhaṇe tesaṃ akusalā dhammā nirujjhittha , no ca tesaṃ abyākatā dhammā nirujjhissanti .
Itaresaṃ tesaṃ akusalā ca dhammā nirujjhittha abyākatā ca dhammā nirujjhissanti .
( Kha ) yassa vā pana abyākatā dhammā nirujjhissanti tassa akusalā dhammā nirujjhitthāti ?
Āmantā .
( Kha ) anulomaokāso
155. Yattha
V3.69 kusalā dhammā nirujjhittha tattha akusalā dhammā nirujjhissantīti ?… Pe ….
( Ga ) anulomapuggalokāsā
156.( Ka ) yassa yattha kusalā dhammā nirujjhittha tassa tattha akusalā dhammā nirujjhissantīti ?
Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ tattha kusalā dhammā nirujjhittha , no ca tesaṃ tattha akusalā dhammā nirujjhissanti .
Itaresaṃ catuvokārānaṃ pañcavokārānaṃ tesaṃ tattha kusalā ca dhammā nirujjhittha akusalā ca dhammā nirujjhissanti .
( Kha ) yassa
M3.49 vā pana yattha akusalā dhammā nirujjhissanti tassa tattha kusalā dhammā nirujjhitthāti ?Suddhāvāsānaṃ dutiye citte vattamāne tesaṃ tattha akusalā dhammā nirujjhissanti , no ca tesaṃ tattha kusalā dhammā nirujjhittha .
Itaresaṃ catuvokārānaṃ pañcavokārānaṃ tesaṃ tattha akusalā ca dhammā nirujjhissanti kusalā ca dhammā nirujjhittha .
( Ka ) yassa yattha kusalā dhammā nirujjhittha tassa tattha abyākatā dhammā nirujjhissantīti ?
Pacchimacittassa bhaṅgakkhaṇe tesaṃ
T2.101 tattha kusalā dhammā nirujjhittha , no ca tesaṃ tattha abyākatā dhammā nirujjhissanti .Itaresaṃ catuvokārānaṃ pañcavokārānaṃ tesaṃ tattha kusalā ca dhammā nirujjhittha abyākatā ca dhammā nirujjhissanti .
( Kha ) yassa vā pana yattha abyākatā dhammā nirujjhissanti tassa tattha kusalā dhammā nirujjhitthāti ?
Suddhāvāsānaṃ
V3.70 dutiye citte vattamāne asaññasattānaṃ tesaṃ tattha abyākatā dhammā nirujjhissanti , no ca tesaṃ tattha kusalā dhammā nirujjhittha .Itaresaṃ catuvokārānaṃ pañcavokārānaṃ tesaṃ tattha abyākatā ca dhammā nirujjhissanti kusalā ca dhammā nirujjhittha .
157.( Ka ) yassa yattha akusalā dhammā nirujjhittha tassa tattha abyākatā dhammā nirujjhissantīti ?
Pacchimacittassa bhaṅgakkhaṇe tesaṃ tattha akusalā dhammā nirujjhittha , no ca tesaṃ tattha abyākatā dhammā nirujjhissanti .
Itaresaṃ catuvokārānaṃ pañcavokārānaṃ tesaṃ tattha akusalā ca dhammā nirujjhittha abyākatā ca dhammā nirujjhissanti .
( Kha ) yassa vā pana yattha abyākatā dhammā nirujjhissanti tassa tattha akusalā dhammā nirujjhitthāti ?
Suddhāvāsānaṃ dutiye citte vattamāne asaññasattānaṃ tesaṃ tattha abyākatā dhammā nirujjhissanti , no ca tesaṃ tattha akusalā dhammā nirujjhittha .
Itaresaṃ catuvokārānaṃ pañcavokārānaṃ tesaṃ tattha abyākatā ca dhammā nirujjhissanti akusalā ca dhammā nirujjhittha .
( Gha ) paccanīkapuggalo
158.( Ka ) yassa
T2.102 kusalā dhammā na nirujjhittha tassa akusalā dhammā na nirujjhissantīti ?Natthi .
( Kha ) yassa vā pana akusalā dhammā na nirujjhissanti tassa kusalā dhammā na nirujjhitthāti ?
Nirujjhittha .
( Ka ) yassa
M3.50 kusalā dhammā na nirujjhittha tassa abyākatā dhammā na nirujjhissantīti ?Natthi .
( Kha ) yassa vā pana abyākatā dhammā na nirujjhissanti tassa kusalā dhammā na nirujjhitthāti ?
Nirujjhittha .
159.( Ka ) yassa
V3.71 akusalā dhammā na nirujjhittha tassa abyākatā dhammā na nirujjhissantīti ?Natthi .
( Kha ) yassa vā pana abyākatā dhammā na nirujjhissanti tassa akusalā dhammā na nirujjhitthāti ?
Nirujjhittha .
( Ṅa ) paccanīkaokāso
160. Yattha kusalā dhammā na nirujjhittha tattha akusalā dhammā na nirujjhissantīti ?
… Pe ….
( Ca ) paccanīkapuggalokāsā
161.( Ka ) yassa yattha kusalā dhammā na nirujjhittha tassa tattha akusalā dhammā na nirujjhissantīti ?
Suddhāvāsānaṃ dutiye citte vattamāne tesaṃ tattha kusalā dhammā na nirujjhittha , no ca tesaṃ tattha akusalā dhammā na nirujjhissanti .
Asaññasattānaṃ tesaṃ tattha kusalā ca dhammā na nirujjhittha akusalā ca dhammā na nirujjhissanti .
( Kha ) yassa vā pana yattha akusalā dhammā na nirujjhissanti tassa tattha kusalā dhammā na nirujjhitthāti ?
Aggamaggasamaṅgīnaṃ arahantānaṃ yassa cittassa anantarā aggamaggaṃ paṭilabhissanti tesaṃ tattha akusalā dhammā na nirujjhissanti , no ca tesaṃ tattha kusalā dhammā na nirujjhittha .
Asaññasattānaṃ tesaṃ tattha akusalā ca dhammā na nirujjhissanti kusalā ca dhammā na nirujjhittha .
( Ka ) yassa
T2.103 yattha kusalā dhammā na nirujjhittha tassa tattha abyākatā dhammā na nirujjhissantīti ?Nirujjhissanti .
( Kha ) yassa vā pana yattha abyākatā dhammā na nirujjhissanti tassa tattha kusalā dhammā na nirujjhitthāti ?
Nirujjhittha .
162.( Ka ) yassa yattha akusalā dhammā na nirujjhittha tassa tattha abyākatā dhammā na nirujjhissantīti ?
Nirujjhissanti .
( Kha ) yassa
V3.72 vā pana yattha abyākatā dhammā na nirujjhissanti tassa tattha akusalā dhammā na nirujjhitthāti ?Nirujjhittha .
Nirodhavāro .