( Kha ) anulomaokāso
35.( Ka ) yattha kusalā dhammā uppajjanti tattha akusalā dhammā uppajjantīti ?
Āmantā .
( Kha ) yattha vā pana akusalā dhammā uppajjanti tattha kusalā dhammā uppajjantīti ?
Āmantā .
( Ka ) yattha
M3.9 kusalā dhammā uppajjanti tattha abyākatā dhammā uppajjantīti ?Āmantā .
( Kha ) yattha vā pana abyākatā dhammā uppajjanti tattha kusalā dhammā uppajjantīti ?
Asaññasatte tattha abyākatā dhammā uppajjanti , no ca tattha kusalā dhammā uppajjanti .
Catuvokāre pañcavokāre tattha abyākatā ca dhammā uppajjanti kusalā ca dhammā uppajjanti .
36.( Ka ) yattha akusalā dhammā uppajjanti tattha abyākatā dhammā uppajjantīti ?
Āmantā .
( Kha ) yattha vā pana abyākatā dhammā uppajjanti tattha akusalā dhammā uppajjantīti ?
Asaññasatte
V3.14 tattha abyākatā dhammā uppajjanti , no ca tattha akusalā dhammā uppajjanti .Catuvokāre pañcavokāre tattha abyākatā ca dhammā uppajjanti akusalā ca dhammā uppajjanti .